Qazaqstanda adamǵa tıisý áreketin qylmys dep tanýy múmkin

NUR-SULTAN. QazAqparat – Elimizde adamǵa tıisý, erkinen tys májbúrleý áreketi qylmystyq is dep tanylýy múmkin. Bul týraly QR ІІM Ákimshilik polıtsııa komıteti tóraǵasynyń orynbasary Alekseı Mılıýk málim etti, dep habarlaıdy QazAqparat tilshisi.

«Tıisý, májbúrleý áreketine qatysy másele áli de ashyq. Búginde halyqaralyq zańnamalar zerdelený ústinde. Onyń bizdiń zańdarǵa qanshalyqty sáıkes keletindigi qaralyp jatyr. ıAǵnı tıisý, májbúrleý áreketine qylmystyq jaýapkershilik engizý kerek pe? Negizinde atalǵan jaıt zańda qarastyrylǵan, tek sál basqasha rásimdelgen. Jalpy qylmystyq kodekske engizý jaǵdaıdy qanshalyqty aqtaıdy? Osy tóńirekte talqylaýlar júrip jatyr. Oǵan sala sarapshylary, psıhologtar men zań salasy mamandary tartylýda», - dedi Alekseı Mılıýk Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, ІІM ókili zorlaýǵa qatysty jazanyń qatańdatylǵanyn aıtty.

«Zorlyq jasaýshynyń jazasy aýyr. Qazir osy qylmys boıynsha tatýlastyrý degen túsinik joq. Áserise balalarǵa qatysty jaǵdaı bolsa. Balalarǵa zorlyq kórsetkender qatań jazalanyp, aıyby keshirilmeıdi jáne qylmysker merziminen buryn bosatylmaıdy. Al jábir kórýshi jaq polıtsııa qyzmetkerleriniń qamqorynda bolady. Kerek jaǵdaıda ómir boıy», - deıdi ol.

Buǵan deıin habarlaǵanymyzdaı, Qazaqstanda turmystyq zorlyq-zombylyq qurbandarynyń 46%-y erler.

Odan bólek, jyl basynan beri 2700-den astam áıel daǵdarys ortalyǵyna jiberilgeni aıtyldy.