Qazaqstanda adamdardyń densaýlyǵyna qaýipti preparattar satylmady - DSM
ASTANA. QazAqparat - Byltyr Qazaqstan aýmaǵynda adamdardyń densaýlyǵyna qaýipti preparattar satylmady. Bul týraly «QazAqparattyń» resmı saýalyna QR DSM Qoǵamdyq densaýlyq saqtaý komıtetinen málim etti, dep habarlaıdy QazAqparat.
«Qazaqstan aýmaǵynda adamdardyń densaýlyǵyna qaýipti degen nemese eshqandaı shıpasy joq preparattardyń satylýy tirkelmegen», - delingen vedomstvonyń málimetinde.
Budan bólek, komıtet tarapynan 2018 jylǵy gepatıtke qarsy vaktsınalaý sharalaryna qatysty aqparat berdi.
«Qazirge ýaqytta Qazaqstan Respýblıkasynda egýge jatatyn balalarǵa (josparly túrde egýge jatatyn 2 jastaǵy balalar jáne epıdemıologııalyq aıǵaqtarǵa baılanysty) A vırýstyq gepatıtine qarsy vaktsına jergilikti bıýdjet esebinen júrgiziledi. Bul rette, 2018 jylǵa qarajat bólinip, jergilikti densaýlyq saqtaý basqarmalarymen qajetti mólsherde vaktsına satyp alý is-sharalary júrgizilýde», - dep atap ótilgen remı jaýapta.
Budan buryn habarlanǵandaı, QR Densaýlyq mınıstrligi Shyǵys Qazaqstan men Qaraǵandy oblystarynda A gepatıtine shaldyǵý jaǵdaıyna baılanysty túsinikteme berdi.
