Qazaqstanda adamdardy retsiz tirkegen páter ıeleri jazalanady - B.Lepeha
ASTANA. QazAqparat - Qazaqstanda turǵylyqty tirkeýi joq adamdardy retsiz tirkegen páter ıeleri jazalanady. Bul týraly búgin Ortalyq kommýnıkatsııalar qyzmetinde ótken brıfıngte QR ІІM Ákimshilik polıtsııa komıtetiniń tóraǵasy Igor Lepeha málim etti.
«Qazirgi kezde jaǵdaı basqa - eger men páter ıesi retinde páterimde turmaıtyn 5-6 adamǵa turǵylyqty jeri týraly tirkeý jasap bersem, soǵan tıisti jazamdy alamyn», - dep eskertti I.Lepeha jýrnalısterdiń saýalyna jaýap qaıyrý kezinde.
Onyń aıtýynsha, bul quqyqbuzýshylyqtar Almaty men Astanada keń taralyp, óte ózekti máselege aınalyp otyr.
«Bul norma jańadan paıda bolǵany ras. Tirkeýsiz júrgenderge qatysty jaza buryn da bolǵan», - dedi ol.
