Qazaqstanda adamdar, saılaýda bergen daýysynyń mańyzdy ekenine senimdi - A.Karadja
ALMATY. QazAqparat - Qazaqstandaǵy saılaýaldy atmosferany tynysh dep sıpattaýǵa bolady. Bul týraly Almatyda ótken baspasóz máslıhatynda Rýmynııa Halyqaralyq qatynastar jáne ekonomıkalyq yntymaqtastyq ınstıtýtynyń prezıdenti Anton Karadja aıtty.
-Halyqtyń baısaldy qaraýy Qazaqstandaǵy saılaýdyń negizgi ereksheligi bolyp otyr, bul - men úshin basty kórsetkish. Óıtkeni, ol halyqtyń erteńgi kúnge de senimdiligin, memleketpen úılesimdi ómir súretindigin bildiredi. ıAǵnı, eldiń júzege asyratyn uzaq jáne qysqa merzimge arnalǵan naqty maqsattary men josparlary bar. Qazaqstanda adamdar, saılaýda bergen daýysynyń mańyzdy ekenine senimdi», - deıdi rýmynııalyq baıqaýshy.
Rýmynııadan kelgen baıqaýshylardyń sany - tórteý. Sheteldik sarapshylardyń aıtýynsha, ózge memleketterden saılaý úderisin taldap, saraptaıtyn baıqaýshylardyń kóp kelýi - Qazaqstannyń ashyq, ári demokratııalyq qaǵıdattarǵa súıengen memleket ekenin bildiredi.
