Qazaqstanda adam saýdasyna qatysty 70-ten astam qylmys ashyldy
Bul qylmystardyń ishinde beseýi – jezókshelikpen aınalysqany úshin, toǵyzy kámeletke tolmaǵandardy satqany úshin, jeteýi kámeletke tolmaǵandardy jezókshelikke tartqany úshin, 14-i adam saýdasy úshin jáne 41-i jezókshelik ordasyn uıymdastyrǵany úshin ustalǵan.
Mysaly 11 adamnan turatyn qylmystyq top ustaldy. Olar uzaq ýaqyt boıy Shymkent, Taraz jáne Túrkistanda jynystyq qanaý maqsatynda qyzdardy, onyń ishinde kámeletke tolmaǵandardy satýmen aınalysqan.
«Tergeý barysynda jas qyzdardyń Qazaqstannyń túrli qalalarynda «VKontakte» áleýmettik jelisi men tanystary arqyly jumysqa qabyldanǵany anyqtaldy. Olarǵa qolaıly eńbek jaǵdaıy men jalaqysy joǵary jumys usynylǵan. Sodan keıin aldaý men qujattardy tartyp alý jolymen jezókshelikpen aınalysýǵa májbúrlegen, keıinnen qalanyń jaldamaly páterlerinde, saýnalarynda jáne qonaq úılerinde odan ári paıdalaný úshin saýda jáne aıyrbastaý júrgizilgen, alynǵan tabysty ózderi alyp otyrǵan. Baǵynbaǵan jaǵdaıda zorlyq-zombylyq, bopsalaý, oıdan shyǵarylǵan aıyppuldar men esirtki qoldanýǵa májbúrlegen», - dedi spıker QR ІІM aptalyq brıfınginde.
Buǵan deıin Q. Nurmaǵanbetov Almatyda bala saýdasymen aınalysatyn qylmystyq toptyń ustalǵanyn aıtqan edi.
Ashyq kózderden alynǵan foto
