Qazaqstanda adam saýdasymen kúresti retteıtin arnaıy zań joq – Marat Ahmetjanov

ASTANA. QazAqparat – QR Іshki ister mınıstri Marat Ahmetjanov Qazaqstanǵa adam saýdasymen kúresti retteıtin arnaıy zańnyń ne úshin kerektigin aıtty,-dep habarlaıdy QazAqparat tilshisi.

Bul týraly mınıstr Astanada ótip jatqan Qazaqstandaǵy adam saýdasyna kúres týraly quqyqtyq forýmda málim etti.

«Qazir ІІM bul baǵyttaǵy jumysyn qaıta quryp, baǵdarly tásildi engizýde. Qoǵamdyq ınstıtýttarmen áriptestik qarym-qatynas ornatý, memlekettik organdarmen jaýapkershilikti bólisý máseleleri qaıta qaralýda. Bul qaǵıdat adam saýdasyna qarsy turý tásilderin ázirleý kezinde qoldanylýy kerek», - dedi mınıstr.

Aıtýynsha, búgingi tańda Qazaqstan adam quqyqtary salasyndaǵy 60-tan astam kópjaqty sharttardyń qatysýshysy bolyp otyr. Olardyń 13-i quldyqtyń zamanaýı túrlerine qarsy turýmen tikeleı baılanysty.

«Sonymen qatar, osy saladaǵy qatynastar 10 zańmen, memlekettik organdardyń ártúrli buıryqtarymen retteledi. Biraq sonyń bári shashyrańqy. Arnaıy zań joq», - dedi Marat Ahmetjanov.