Qazaqstanda adam ólimi byltyrǵa qaraǵanda 3,6 paıyzǵa azaıdy
ASTANA. 13 qyrkúıek. QazAqparat - Bıylǵy qańtar-shildede qaıtys bolǵandardyń sany 82,6 myń adamdy qurady nemese 2012 jylǵy qańtar-shildege qaraǵanda 3,6 paıyzǵa kemidi. Bul týraly búgin QR Statıstıka agenttiginde ótken baspasóz máslıhatynda atalǵan vedomstvonyń basshysy Álıhan Smaıylov málim etti.
«Qarastyrylyp otyrǵan kezeńde 1 jasqa deıingi 2671 náreste ólimi tirkeldi (2012 jylǵy qańtar-shildede 3231). Byltyrǵy sáıkes kezeńmen salystyrǵanda 1 jasqa deıingi shetinegen náresteler sany 17,3 paıyzǵa kemidi. Náreste óliminiń negizgi sebebi, perınataldyq kezeńde paıda bolatyn jaǵdaılar bolyp tabylady, odan 1 551 náreste shetinedi nemese ólim-jitim jaǵdaıynyń jalpy sanynan 58,1 paıyzy.
