Qazaqstanda Adam quqyqtary jónindegi ýákildiń quzyreti keńeıtilmek
«Atalǵan zań jobasy Memleket basshysynyń jetinshi shaqyrylǵan Parlamenttiń birinshi sessııasynyń ashylýynda Adam quqyqtary jónindegi ýákil ınstıtýtyn zańnamalyq turǵydan aıqyndaý jáne adam quqyqtaryn qorǵaý salasyn odan ári jetildirý týraly aıtqan mindetterin oryndaý úshin ázirlendi. Zań jobasy Adam quqyqtary jónindegi ýákil men onyń óńirdegi ókiliniń mártebesin, laýazymǵa saılaý jáne bosatý tártibin, qyzmetiniń qaǵıdattary men kepildikterin, sondaı-aq onyń ókilettikterin retteıtin negizgi erejelerin aıqyndaý arqyly adamnyń quqyqtary men bostandyqtaryn qorǵaý salasyndaǵy zańnamany jetildirýge baǵyttalǵan», -dep atap ótti Májilistiń Zańnama jáne sot-quqyqtyq reforma komıtetiniń tóraǵasy Arman Qojahmetov.
Munymen qosa, «Qazaqstan Respýblıkasynyń keıbir zańnamalyq aktilerine Qazaqstan Respýblıkasyndaǵy Adam quqyqtary jónindegi ýákil qyzmetiniń máseleleri boıynsha ózgerister men tolyqtyrýlar engizý týraly» ilespe zań jobasy da qaralady. Bul zań jobasy Qazaqstan Respýblıkasynyń jekelegen zańdaryn «Adam quqyqtary jónindegi ýákil týraly» zań jobasyna sáıkes keltirý maqsatynda ázirlendi. Qujattaǵy túzetýler Adam quqyqtary jónindegi ýákildiń sotqa talap qoıý aryzymen júginý ókilettikterin keńeıtýge, onyń óńirdegi ókil laýazymyn belgileýge múmkindik beredi.
Sonymen qatar, Májilis depýtattary «Qazaqstan Respýblıkasynyń Ákimshilik quqyq buzushylyq týraly kodeksine Qazaqstan Respýblıkasyndaǵy Adam quqyqtary jónindegi ýákil qyzmetiniń máseleleri boıynsha ózgerister men tolyqtyrýlar engizý týraly», «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) Qazaqstan Respýblıkasyndaǵy Adam quqyqtary jónindegi ýákil qyzmetiniń máseleleri boıynsha tolyqtyrý engizý týraly» ilespe zań jobalaryn da qaraıtyn bolady.
