Qazaqstanda adam quqyqtary jónindegi baǵdarlamanyń ekinshi kezeńin júzege asyrý qajet - Sholý konferentsııasy
ASTANA. 27 qarasha. QazAqparat /Aıdar Ospanalıev/ - Qazaqstanda mıgranttardyń balalaryna bilim alý úshin qajetti jaǵdaıdyń barlyǵy jasalyp otyr. Bul týraly búgin Astanda ótip jatqan EQYU Sammıtiniń Sholý konferentsııasy barysynda Adam quqyqtary jónindegi ulttyq ortalyq ókili málim etti.
Onyń aıtýynsha, osy ýaqytta mıgranttardyń balalary qazir elimizde ózderiniń ana tilderin de tereńdetip meńgere alady. Mıgrant balalar eldegi jalpyǵa birdeı bilim berý oryndarynda esh kedergisiz oqı alady. «Árıne, bul baǵytta jekelegen problemalar bar. Osyǵan qaraı bıyl Adam quqyqtary jónindegi ulttyq ortalyq Bilim jáne ǵylym mınıstrligimen birlesip mıgranttardyń, naqtyraq aıtqanda qyrǵyzstandyq mıgranttardyń balalaryna bilim berý máselesin retteıtin normatıvti aktini daıyndaý isine belsendi atsalysty. Kóship-qonýshylardyń quqyqtaryn qamtamasyz etý - bılik basyndaǵy azamattar men qoǵam ókilderiniń quqyqtyq saýattarynyń joǵary bolýymen baılanysty. Osy rette biz adam quqyqtary jónindegi baǵdarlamanyń ekinshi kezeńin júzege asyrý qajettigin usyndyq», dedi ortalyq ókili.
