Qazaqstanda Abaı esimdi qansha adam bar

ASTANA. KAZINFORM — Elimizde Abaı esimdi 18 763 adam tursa, onyń basym bóligi el astanasynan ekeni anyqtaldy, dep habarlaıdy Ulttyq statıstıka bıýrosy.

Bıyl Qazaqstanda uly aqyn, aǵartýshy Abaı Qunanbaıulynyń týǵanyna 180 jyl tolyp otyr. Osyǵan oraı, ulttyq statıstıka bıýrosy onyń esimimen baılanysty qyzyqty statıstıkalyq derekterdi jarııalady.

— Elimizde Abaı esimdi 18 763 adam turady. Bul esim ıeleriniń basym bóligi Astana qalasy (2 089 adam), Túrkistan oblysy (2 018) jáne Almaty qalasynda (1 719) turady. Abaı esimdi eń egde turǵyn 1932 jyly dúnıege kelgen, — delingen habarlamada.

Bul esim eń kóp taralǵan jas toby — 30-34 jas aralyǵyndaǵylar, olardyń sany — 3 228 adam.

Bıylǵy birinshi jarty jylda týǵan 157 nárestege Abaı esimi berilgen.

Bul esim qyz balalarǵa da qoıylǵan, Qazaqstanda Abaı esimdi 10 áıel tirkelgen.

Ibrahım (Ibragım, Ibrahım) esimdi azamattardyń sany elimizde 35 404 adam.

Aqynnyń qurmetine elimizde 1 oblys, 1 qala, 3 aýdan jáne 26 aýylǵa uly tulǵa esimi berilgen eken.

Osyǵan deıin Petropavlda Abaıǵa arnalǵan mýral paıda bolǵanyn jazǵan edik.