Qazaqstanda «A» korpýsynan «B» korpýsy laýazymdaryna aýysatyndar kóp pe
ASTANA. QazAqparat - Búgin QR Parlamenti Májilisiniń jalpy otyrysynda QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Qaırat Qojamjarov «A» korpýsynyń qyzmetkerlerine qatysty qarastyrylyp otyrǵan jeńildik týraly aıtyp berdi, dep habarlaıdy QazAqparat.
«A» korpýsy qyzmetkerleriniń «B» korpýsy laýazymdaryna taǵaıyndalý tártibi jeńildetiledi. Qazirde «A» korpýsynyń qyzmetkerlerin tómengi orynǵa taǵaıyndaý tek Kadr saıasaty jónindegi ulttyq komıssııanyń shemimen ǵana júzege asyrylady. Zań jobasymen mundaı quqyqty agenttikke berý usynylyp otyr. Búgingi kúni osyndaı tájirıbe «B» korpýsynyń qyzmetkerlerin aýystyrý kezinde qoldanylyp keledi.
Agenttik bul jaǵdaılarda úmitkerdiń biliktilik talaptaryna sáıkes, qorytyndy beredi. Qazirgi tańda «B» korpýsyna qaraǵanda, «A» korpýsynyń úmitkerlerinen naqty bir mamandyqqa sáıkes kelý týraly talap qoıylmaıdy. Al «B» korpýsy úmitkerlerine biliminiń mamandyǵyna sáıkes kelýi mindetti talap. Sol sebepti «A» korpýsynyń qyzmetkerleri de zerdeleýge jatatyn bolady»,-dedi Q. Qojamarov «Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» zań jobasyn tanystyrý barysynda.
Onyń sózine qaraǵanda, bul talap Elbasynyń memlekettik apparatty kásibılendirý boıynsha tapsyrmalarynan týyndaıdy.
Aıta keteıik, búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» zań jobasyn maquldady.
