Qazaqstanda A-5 sanaty boıynsha ınvestorlarǵa vıza berýdiń sharttary ózgerdi
«Investıtsııa komıteti ınvestorlyq vıza alýǵa ótinish berý merzimin elicense.kz portal arqyly elektrondyq túrde qujattardy alǵan kúnnen bastap 5 jumys kúnine deıin qysqartty. Bul rette ótinish berýshiler úshin «Azamattarǵa arnalǵan úkimet« memlekettik korporatsııasy arqyly qujattardy qaǵaz túrinde berý múmkindigi saqtalǵan. Ony qaraý merzimi 11 jumys kúnge deıin. Budan basqa, endi ınvestorlyq vızany alýǵa ótinishti jeke tulǵa da bere alady», delingen habarlamada.
Investorlyq vızalar Qazaqstan aýmaǵynda ınvestıtsııalyq qyzmetti júzege asyratyn jeke jáne zańdy tulǵalarǵa, sondaı-aq olardyń otbasy múshelerine beriledi. Bul sanattaǵy vıza boıynsha elde bolý merziminde shekteý joq. Іskerlik vızanyń ıesi Qazaqstanda árbir kirý kezinde 60 táýlikten artyq bolmaýy múmkin.
Esterińizge sala keteıik, A-5 sanatyndaǵy ınvestorlyq vızany alý rásimi 3 memlekettik qyzmetti qamtıdy: QR Syrtqy ister mınıstrligi Investıtsııalar komıtetiniń ınvestorlyq vızany alýǵa qoldaýhaty, QR Іshki ister mınıstrliginde shaqyrýdy resimdeý jáne Qazaqstannyń shet elderdegi mekemelerinde ınvestorlyq vızany usyný.
«Koronavırýs ınfektsııasynyń taralýy kezinde, biz jahandyq ekonomıka men jalpy bızneske keri áserin kórip, iskerlik belsendiliktiń tómendeýin baıqap otyrmyz. Biz úshin bul úı jumysyn jasaý jáne protsesterdi ońtaılandyrý ýaqyty. Jaqynda ınvestıtsııalyq kelisimshartty jasasý memlekettik qyzmeti onlaın formatyna aýystyryldy, vızalyq-kóshi-qon qyzmetterin jeńildetip, avtomattandyrdyq», - dep atap ótti QR Syrtqy ister mınıstriniń orynbasary Almas Aıdarov.
Karantın shekteýi kezinde 11 mamyrdan bastap vedomstvoaralyq komıssııanyń (VAK) otyrysynda qabyldanǵan QR Memlekettik shekarasynan ótý tártibi qoldanylady. Oǵan sáıkes árbir jeke jaǵdaı úshin Qazaqstanǵa kelýine vedomstvoaralyq komıssııanyń sheshimimen ruqsat etiledi. Sheteldikter Qazaqstan aýmaǵyna karantın talaptaryn saqtaı otyryp kire alady.
