Qazaqstanda 900 jeke sot oryndaýshysy jumys isteýde
ASTANA. QazAqparat - Qazaqstanda 900 jeke sot oryndaýshysy jumys isteýde. Bul týraly Astana qalasy ákimdiginen habarlady.
«2016 jyldan bastap jeke sot oryndaýshylardyń aıryqsha quzyretine zańdy jáne jeke tulǵalardyń paıdasyna tıesili atqarýshylyq óndirister ótedi. Sonymen qatar osy jyldan bastap jeke sot oryndaýshylar halyqqa alıment, jalaqy, zeınetaqy jáne járdemaqy óndirý máseleleri boıynsha kepildengen memlekettik quqyqtyq kómek kórsetetin bolady. Memlekettik sot oryndaýshylar memlekettik múddeni kózdeıtin kóshirý, ornalastyrý, buzý, jer telimderin alý jáne memleket paıdasyna tıesili 1000 AEK joǵary somalardy óndirýmen aınalysady», - delingen habarlamada.
Qazaqstanda jeke jáne zańdy tulǵalardyń quqyǵyn qorǵaý maqsatynda jaqyn arada jeke sot oryndaýshylar sot jáne ýákiletti organdardyń aktilerin oryndaýyn óz moınyna alady. Jeke sot oryndaýshylardyń ókilettigi jeke tulǵalardyń bankilik esepterin suratý erkindigi arqasynda aıtarlyqtaı keńeıdi. Jeke sot oryndaýshylardyń kómekshilerine protsessýaldyq áreketter men qaýlylyrdy shyǵarýmen baılanysty emes mindetter berildi. Jeke sot oryndaýshyǵa aı saıynǵy túsetin atqarý óndiristerdiń úles salmaǵy 118 qujatty quraıdy.
Elbasy jarııa etken Ulttyq josparda memlekettik sot oryndaýshylardyń sanyn 2017 jylǵa qaraı 66 paıyzǵa (shamamen 849 adam) kezeń-kezeńmen qysqartý qarastyrylǵan. Respýblıkalyq palata negizinde udaıy oqytý jáne taǵylymdamadan ótkizýdiń arqasynda jeke sot oryndaýshylar men kómekshilerdiń biliktiligine talap joǵarlady. Májbúrletilgen atqarýdy jedel ótkizý maqsatynda jeke sot oryndaýshylardyń sanktsııalanatyn áreketteri 13-ten 7-ge deıin qysqartyldy. Jeke sot oryndaýshysy jeke tájirıbe negizinde ne keńse quramynda jumys isteýge quqyly.
QR Ádilet mınıstrligimen jeke sot oryndaýshysy isimen aınalysamyn deýshilerge 2 438 lıtsenzııa berilip, onyń 900-i búgingi tańda qyzmet etýde. Búgingi tańda jeke sot oryndaýshylardyń atqarýynda 1,4 trln. teńgeniń 670 myń atqarýshylyq qujaty bar. Onyń 347 mlrd. teńgeni quraıtyn 142 myń isi tolyǵymen aıaqtaldy.
Aıta keterligi, jeke sot oryndaýshylardyń qyzmeti respýblıkanyń barynsha aýmaǵyn qamtıtyn bolady. Búginde olardyń edáýir bóligi Almaty (143), Astana (104) qalalarynda jáne Qaraǵandy oblysynda (73) jumys isteıdi.
