Qazaqstanda 90 myńnan astam memlekettik qyzmetker bar - T.Donaqov
ASTANA. QazAqparat - QR Memlekettik apparatynyń sany 91 myńnan astam adamdy quraıdy. Bul týraly búgin Qoǵamdyq keńes otyrysynyń barysynda QR Memlekettik qyzmet isteri mınıstri Talǵat Donaqov málimdedi.
Mınıstrdiń atap ótýinshe, Qazaqstandaǵy memlekettik qyzmetkerlerdiń jalpy shtattyq sany 99 myńǵa jýyq adamdy quraıdy, sonyń ishinde memlekettik qyzmetkerlerdiń sany - 98 464 adam, sonyń ishinde «B» atqarýshy korpýsynda - 97 971 adam, «A» basqarýshy korpýsynda - 493 adam jáne saıası memlekettik qyzmetkerler korpýsynda - 422 adam.
«Osylaısha, memlekettik apparattaǵy bos jumys oryndardy esepke ala otyrǵanda, bul shamamen 7,6 paıyz - QR memlekettik apparatynyń sany 91 myńnan astam adamdy qurap otyr», - dep naqtylady T.Donaqov.
Onyń aıtýynsha, ákimshilik qyzmetterdiń saıası qyzmettermen salystyrǵanda basymdyǵy «A» korpýsynyń erekshe dárejesimen birge EYDU-nyń keńesterine sáıkes kelip, memlekettik apparattyń avtonomdyǵy jáne turaqtylyǵyna septigin tıgizedi.
