Qazaqstanda 9 tamyz kúni aýa raıy qandaı bolady
ASTANA. QazAqparat - Atmosferalyq aǵyndardyń ótýine baılanysty 9 tamyzda respýblıkanyń basym bóliginde aýa raıy qubylmaly, keı jerlerde jańbyr jaýyp, jel kúsheıedi, ońtústikte keı jerlerde - daýyl, túnde jáne tańerteń soltústiginde jáne ortalyǵynda tuman túsedi, dep habarlaıdy Qazgıdromet.
Qostanaı, Pavlodar, Soltústik Qazaqstan, kúndiz Jambyl, Túrkistan, Qaraǵandy, Shyǵys Qazaqstan oblystarynyń keı jerlerinde jel 15-20 m/s kúsheıedi, Qaraǵandy jáne Soltústik Qazaqstan oblystarynda túnde jáne tańerteń keı jerlerde tuman bolady.
Qyzylorda oblysynyń keı jerlerinde daýyl, shańdy daýyl turady, jeldiń jyldamdyǵy 15-20 m/s jetedi.
Mańǵystaý oblysynyń keı jerlerinde tuman túsedi.
Almaty, Jambyl, Qyzylorda, Atyraý, Batys Qazaqstan, Aqtóbe oblystarynda, Túrkistan, Mańǵystaý, Qostanaı oblystarynyń keı jerlerinde aptap ystyq bolady.
Qyzylorda oblysynda, Túrkistan, Aqtóbe, Atyraý, Batys Qazaqstan, Mańǵystaý, Qostanaı, Qaraǵandy, Jambyl, Almaty oblystarynyń keı jerlerinde joǵary órt qaýpi saqtalady.
