Qazaqstanda 9 oblys aýmaǵynda aýa raıyna baılanysty eskertý jarııalandy
NUR-SULTAN. QazAqparat – Qazaqstanda 9 oblys aýmaǵynda qolaısyz aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
5 naýryzda Soltústik Qazaqstan oblysynda túnde jáne kúndiz qar jaýady. Keı jerlerde tuman túsip, burqasyn soǵady, kóktaıǵaq bolýy yqtımal. Ońtústik-batystan jel soǵady, kúshi 15-20 m/s, kúndiz ekpini 23-28 m/s kútiledi.
Petropavlda erteń boran soǵady. Ońtústik-batystan turǵan jeldiń kúshi 15-20 m/s, kúndiz ekpini 23-28 m/s jetedi.
5 naýryzda Qaraǵandy oblysynnyń keı jerlerinde tuman túsip, jaıaý burqasyn soǵady, kúndiz kóktaıǵaq bolýy múmkin. Ońtústik-batystan, batystan jel soǵady, keı jerlerinde kúshi 15-20 m/s jetedi.
Qaraǵandy qalasynda jaıaý burqasyn soǵýy múmkin. Ońtústik-batystan, batystan jel soǵady, ekpini 15-20 m/s jetedi.
Jezqazǵanda erteń túnde jaıaý burqasyn soǵýy múmkin. Ońtústik-batystan, batystan jel soǵady, ekpini 18 m/s jetedi.
5 naýryzda kúndiz Shyǵys Qazaqstan oblysynyń keı jerlerinde qalyń qar aralas jańbyr jaýady. Keı jerlerde boran soǵyp, tuman túsedi, kóktaıǵaq bolýy yqtımal. Jel ońtústik-shyǵystan ońtústik-batysqa aýysyp, kúshi keı jerlerde 15-20, ekpini 25 m/s jetedi.
Óskemende erteń boran soǵady, kúndiz qar aralas jańbyr jaýady, kóktaıǵaq bolýy múmkin. Ońtústik-shyǵystan soǵatyn jeldiń ekpini 15-20 m/s jetedi.
Semeıde erteń burqasyn soǵady, kúndiz jaýyn-shashyn (jańbyr, qar), kóktaıǵaq bolýy múmkin. Jel ońtústik-shyǵystan ońtústik-batysqa aýysyp, ekpini 15-20 m/s jetedi.
Túrkistan oblysynyń taýly aýdandarynda qatty jaýyn-shashyn (jańbyr, qar) túsedi. Erteń túnde jáne tańterteń keı jerlerde tuman túsip, kóktaıǵaq bolýy múmkin. Batystan jel soǵady, keı jerlerde kúshi 15-20 m/s jetedi.
5 naýryzda Aqmola oblysynyń keı jerlerinde jaıaý burqasyn soǵady, tuman túsip, kóktaıǵaq bolady kútiledi. Ońtústik-batystan jel soǵady, kúshi 15-20, kúndiz ekpini 23-28 m/s jetedi.
Erteń Kókshetaýda jaıaý burqasyn soǵady, joldarda kóktaıǵaq bolýy múmkin. Ońtústik-batystan jel soǵady, kúshi 15-20, kúndiz ekpini 23 m/s jetedi.
5 naýryzda Batys Qazaqstan oblysynyń keı jerlerinde tuman túsip, kóktaıǵaq bolýy múmkin. Jel ońtústik-batystan soǵady, kúshi keı jerlerde 15-20 m/s jetedi.
Oralda erteń jel ońtústik-batystan soǵady, ekpini 18 m/s jetedi.
5 naýryzda Qyzylorda oblysynyń keı jerlerinde tuman bolady. Ońtústik-batystan soǵatyn jel ońtústik-shyǵysqa aýysady, kúshi kúndiz keı jerlerde 15-20 m/s jetedi.
Qyzylorda qalasynda erteń keı ýaqytta tuman túsýi múmkin.
5 naýryzda Aqtóbe oblysynyń keı jerlerinde jaıaý burqasyn soǵady, tuman túsip, kóktaıǵaq bolýy yqtımal. Ońtústik-batystan jel soǵady, keı jerlerde jyldamdyǵy 15-20 m/s jetedi.
Erteń Aqtóbe qalasynda jaıaý burqasyn soǵýy múmkin.
5 naýryzda Atyraý oblysynda ońtústik-batystan jel soǵady, keı jerlerde jyldamdyǵy 15-20 m/s jetedi.
Erteń kúndiz Atyraý qalasynda ońtústik-batystan jel soǵady, ekpini 15-18 m/s jetedi.
