Qazaqstanda 9 myń jumysshy tıisti jalaqylaryn ala almaı otyr - S. Ábdenov
ASTANA. 7 qarasha. QazAqparat - Búginde Qazaqstanda jumys berýshilerdiń jumysshylar aldyndaǵy jalaqy qaryzy 1 mlrd. 137 mln. teńgege jetti.
Bul týraly búgin Astanadaǵy konferentsııada QR Eńbek jáne halyqty áleýmettik qorǵaý mınıstri Serik Ábdenov málim etti.
«Bul - 9 myń jumysshynyń jalaqysy. Jumys berýshilerdiń qaryz merzimi úsh aıdan artyq ýaqytqa deıin sozylyp jatady. Demek, jumysshy kem degende úsh aı boıy otbasyn qajetti qarajatpen qamtamasyz etpegen. Osynyń bári eńbek qatynastary salasyndaǵy shıelenisterge ákelip soqtyrady», - deıdi S.Ábdenov.
Mınıstr atap kórsetkendeı, eki jyldyń ishinde eńbek salasynda 35 shıelenis boldy. Negizgi sebep - jalaqyny ýaqytynda tólemeý. «Ondaı jaǵdaılardyń basym bóligi (76 paıyz) qurylys jáne munaı-gaz salasynda bolyp jatady», - dep atap kórsetti S.Ábdenov.
