Qazaqstanda 9 myń jańa jumys orny ashyldy
NUR-SULTAN. QazAqparat - «Damý» qorynyń qoldaýymen byltyr elimizde 5 trln 650 mlrd teńgeniń ónimi shyǵaryldy. Bul týraly qordyń basqarma tóraǵasy Gaýhar Bóribaeva osyndaı kórsetkishti keltirdi, dep habarlaıdy QazAqparat tilshisi.
«Ótken jyly qazaqstandyqtardyń kásipkerlik áleýetin damytyp, bıznes ashýyna kóp kóńil bólindi. Álemdik ekonomıkada dál osy kezde shaǵyn jáne orta bıznes –ekonomıkanyń qozǵaýshy kúshi bolyp, jańa jumys oryndary ashylyp, halyqtyń ál-aýqatyn kóterýge yqpal etip otyr. 2019 jyly Úkimet qarapaıym zattar ekonomıkasyna qatysty basymdyq bergen jobalardy nesıeleýge arnalǵan baǵdarlamany iske qosty. «Bıznestiń Jol kartasy 2025» baǵdarlamasy bekitildi. Bıznesti damytýǵa sep bolatyn birqatar memlekettik baǵdarlama jetildirildi. «Damý» qory joǵaryda atalǵan baǵdardamalardy júzege asyrýda negizgi qarjylyq operator qyzmetin atqarady», - dedi Gaýhar Bóribaeva OKQ-da ótken baspasóz máslıhatynda.
«Damý» qorynyń basqarma tóraǵasy óz sózinde 2019 jyldaǵy jumys qorytyndysyna toqtaldy.
««Damý» qory mıkro, shaǵyn jáne orta kásipkerlikti qoldaýdy kózdeıtin negizgi ulttyq ınstıtýt. Biz 4 qural usynamyz. Olar: jeńildikpen nesıe berý, syıaqy mólsherlemesin sýbsıdııalaý, nesıege kepildik berý, onlaın oqytý men klıentterdi qarjy ınstıtýtyna deıin súıemeldeý. Osy aıtylǵan baǵyttar baǵyttar qolǵa alynǵaly beri «Damý» qory 5,3 trln teńgege 85 myń jobany qoldaǵan», - dedi ol.
Gaýhar Bóribaeva byltyr «Damý» qorynyń klıentterdi qoldaýynyń arqasynda 5 trln 650 mlrd teńgeniń ónimi shyǵarylǵanyn, bıýdjetke 457 mlrd teńge salyq tólenin, 9 myńǵa tarta jumys orny ashylǵanyn aıtady.
