Qazaqstanda 9 mln tonnaǵa jýyq astyq bastyryldy

ASTANA. KAZINFORM — Elimizdiń óńirlerinde egin jınaý naýqany jalǵasyp jatyr. Búgingi tańda dándi jáne dándi-burshaqty daqyldardyń 6,3 mln gektary jınaldy, bul jalpy egis alqabynyń 39,3%-yn quraıdy. Bul týraly AShM málim etti. 

— Nátıjesinde 9 mıllıon tonnaǵa jýyq astyq bastyryldy. Dándi daqyldardan bólek, aýyl sharýashylyǵy ónimin óndirýshiler 221 myń tonna maıly daqyl, 933 myń tonna kartop (ortasha ónimdilik — 242,4 ts/ga), 2,2 mıllıon tonnaǵa jýyq kókónis (ónimdilik — 299,8 ts/ga), sondaı-aq 2,1 mıllıon tonnadan astam baqsha daqyldaryn (ónimdilik — 275 ts/ga) jınady. Oǵan qosa, 358,1 myń tonna qyryqqabat (ónimdilik — 369,3 ts/ga), 448,1 myń tonna pııaz (409,9 ts/ga), jáne 137,8 myń tonna sábiz (314,7 ts/ga) jınaldy, — delingen habarlamada.

Egin jınaý naýqany uıymdasqan túrde jáne agrotehnıkalyq talaptarǵa sáıkes ońtaıly merzimde júrgizilip jatyr.

Buǵan deıin habarlanǵandaı, ShQO-da egin jınaýǵa tolassyz jańbyr kedergi bolyp tur.