Qazaqstanda 9 maýsym kúni aýa raıy qubylmaly bolady
ASTANA. QazAqparat - Búgin, 9 maýsymda Qazaqstannyń basym bóliginde atmosferalyq aǵyndardyń ótýine baılanysty aýa raı qubylmaly bolady, keı jerlerde jańbyr jaýyp naızaǵaı jarqyldaıdy, tek soltústik-batysta jáne ońtústik-batysta jaýyn-shashynsyz aýa raıy kútiledi, dep habarlaıdy Qazgıdromet.
Respýblıkanyń keı jerlerinde jeldiń kúsheıip, shańdy daýyl turady, al eldiń soltústik jáne ońtústik-shyǵysynda burshaq jaýýy yqtımal.
Soltústik Qazaqstan oblysynda túnde keı jerlerde, kúndiz basym bóliginde jeldiń kúshi 15-20, kúndiz ekpini 23-28 m/s, kúndiz keı jerlerde - daýyl, burshaq jaýýy múmkin, túnde jáne tańerteń tuman túsedi.
Almaty oblysynyń keı jerlerinde jeldiń kúshi 17-22 m/s jetedi, shańdy daýyl turady.
Jambyl, Ońtústik Qazaqstan oblystarynyń keı jerlerinde jeldiń kúshi 15-20, ekpini 23 m/s, daýyl, Jambyl oblysynda burshaq jaýýy múmkin.
Qostanaı, kúndiz Shyǵys Qazaqstan oblystarynyń keı jerlerinde jeldiń kúshi 15-20 m/s bolady.
Pavlodar, Qaraǵandy oblystarynyń keı jerlerinde jeldiń jyldamdyǵy 15-20 m/s jetip, daýyl soǵady, burshaq jaýýy yqtımal.
Túnde Aqmola, kúndiz Batys Qazaqstan oblystarynyń keı jerlerinde jel turady, jyldamdyǵy 15-20 m/s.
Kúndiz Shyǵys Qazaqstan oblysynyń basym bóliginde aptap bolady. Mańǵystaý óńiriniń basym bóliginde, Qyzylordanyń keı jerlerinde, sondaı-aq Atyraý, Batys Qazaqstan, Aqtóbe, Ońtústik Qazaqstan, Jambyl, Almaty, Shyǵys Qazaqstan oblystarynyń keı jerlerinde óte joǵary órt qaýpi saqtalady.
