Qazaqstanda 9 ekonomıkalyq aımaq jumys isteýde
Bul týraly Pm.kz saıtynda habarlanǵan.
Onyń ishinde úsh ekonomıkalyq aımaq Indýstrııalandyrý baǵdarlamasynyń aıasynda 2011 jyldyń sońynda naqty salalyq baǵyt boıynsha qurylǵan.
Olarǵa jeke toqtalsaq, Qaraǵandy oblysyndaǵy «Saryarqa» arnaıy ekonomıkalyq aımaǵy metallýrgııa jáne metall óńdeý salasyna baǵyttalǵan. Almaty oblysyndaǵy «Qorǵas-Shyǵys qaqpasy» arnaıy ekonomıkalyq aımaǵy kóliktik-logıstıkalyq salany damytýdy maqsat tutady. Al Pavlodar oblysyndaǵy «Pavlodar» arnaıy ekonomıkalyq aımaǵy hımııa jáne munaı-hımııa ónerkásibin damytýdy kózdeıdi.
QR Indýstrııa jáne jańa tehnologııalar mınıstrliginiń aqparatyna súıensek, jańadan qurylǵan 3 ekonomıkalyq aımaqtyń jumys isteýin qamtamasyz etý úshin aktsıonerlik qoǵam túrinde basqarýshy kompanııalar qurylyp, qazirgi tańda ınfraqurylym qurylysynyń tehnıkalyq-ekonomıkalyq negizdemeleri ázirlenip jatyr.
Esterińizge sala keteıik, 2011 jyldyń shildesinde Qazaqstan Respýblıkasynyń «Qazaqstan Respýblıkasyndaǵy arnaıy ekonomıkalyq aımaqtar týraly» Zańy qabyldanǵan. Qujat elimizge halyqaralyq tájirıbesi bar kásibı basqarýshy kompanııalardy tartýǵa, sondaı-aq sheteldik jumys kúshin tartý tártibin jeńildetýge múmkindik beredi. Sondaı-aq, jańa Zań ınvestorǵa «bir tereze» qaǵıdasy boıynsha qyzmet kórsetedi, bul ınvestordyń arnaıy ekonomıkalyq aımaq aýmaǵyna tirkelýin jáne qajetti qujattardy alýyn tezdetedi.
Qazirgi salyqtyq jeńildiktermen qatar, qosymsha qun salyǵy, jerge arendalyq tólem, áleýmettik salyqtar jáne amortızatsııanyń (ótempuldyń) shekti normasyn 15 paıyzdan 40 paıyzǵa deıin arttyrý sııaqty qosymsha salyqtyq jeńildikter bar.
