Qazaqstanda 9 aıda qolma-qol aqshasyz tólemderdiń úlesi 86%-ǵa artty

Qazaqstan qarjygerler qaýymdastyǵynyń málimetterine sáıkes, elimizde 9 aıdyń qorytyndysy boıynsha qolma-qol aqshasyz tólemderdiń úlesi 86 paıyzǵa (ótken jyly – 82%) deıin ósti. Bul týraly Kazinform QR QM Memlekettik kirister komıtetine silteme jasap habarlaıdy. 

Azamattardyń banktik salymdarynyń saqtalýyn 19 bank qatysatyn salymdarǵa kepildik beretin memlekettik júıesi qamtamasyz etedi. 20 mln teńge mólsherindegi depozıtterdiń qaıtarylýyna memleket kepildik beredi.

Aqshany depozıtke salý olardyń saqtalýyna ǵana emes, ınflıatsııadan qorǵaýǵa da kepildik beredi. Osyǵan baılanysty, bankterdegi jeke tulǵalar depozıtiniń sany 16,9 mıllıonnan 19,8 mıllıonǵa deıin ósti, jyldyq ósim 14,3%-dy qurady, depozıtterdiń jalpy kólemi 18,6 trln teńgeni qurady. (Qazaqstannyń depozıtterge kepildik berý qorynyń derekteri). 

Memleket salymdarǵa kepildik berý júıesine 19 qatysýshy banktiń árqaısysynda 20 mıllıon teńgege deıingi banktik salymdar boıynsha ótelýine kepildik beredi. El aınalymyndaǵy qolma-qol aqshanyń mardymsyz somasyn eskere otyryp, árbir azamat deklaratsııalaý kezinde 34,5 mıllıon teńgeden (10 000 AEK) aspaıtyn qolma-qol aqshany kórsete alady. Ózge qarajattyń bolýyn ekinshi deńgeıdegi bankter rastaıdy. 

Salyq kodeksinde bankterdiń salyq tóleýshilerdiń banktik shottary týraly málimetterdi salyq organdaryna berýge mindettiligi qarastyrylǵan (Salyq kodeksiniń 26-baby). 

Bul talap Konstıtýtsııanyń normalaryna qaıshy kelmeıdi, óıtkeni bul quqyqty shekteýge zańda naqty belgilengen jaǵdaılarda jáne tártippen jol beriledi (Konstıtýtsııanyń 18-babynyń 2-tarmaǵy). 

Osyǵan baılanysty «Bankter jáne bank qyzmeti týraly» Zańnyń (50-bap) jáne Salyq kodeksiniń (30-bap) normalary salyq salý maqsatynda bank qupııasyn jarııa etýdi kózdeıdi. 

Sheteldegi jáne Qazaqstandaǵy aktıvterdi barynsha anyq deklaratsııalaý qajet ekenine nazar aýdaramyz. Aldaǵy ýaqytta salyq salynatyn kiristi anyqtaý kezinde aktıvterdiń quny eskeriletin bolady.