Qazaqstanda 9 aıda 54 saýda úıi paıdalanýǵa berildi – statıstıka

ASTANA. KAZINFORM - 2024 jyldyń qańtar-qyrkúıek aralyǵynda Qazaqstanda jalpy aýdany 110,7 myń sharshy metr bolatyn 54 saýda úıi paıdalanýǵa berildi, dep habarlaıdy Ulttyq statıstıka bıýrosy.

Іske qosylǵan nysandardyń naqty quny 48,1 mlrd teńgeni qurady.

Saýda úıleriniń kóbi Túrkistan oblysynda iske qosyldy – 18 nysan, Atyraý oblysynda – 6 nysan paıdalanýǵa berildi. Al Mańǵystaý oblysynda 1 saýda úıi paıdalanýǵa berildi.

Sonymen qatar, 9 aıda jalpy aýdany 26,9 myń sharshy metr bolatyn 46 sýpermarket iske qosyldy, olardyń jalpy quny 12,5 mlrd teńgeni qurady. Sýpermarketterdiń kópshiligi Qyzylorda (16) jáne Túrkistan oblystarynda (15) ashyldy.

Sondaı-aq atalǵan kezeńde jalpy aýdany 27,1 myń sharshy metr bolatyn 158 mınımarket iske qosyldy. Mınımarketterdi iske qosýdyń jalpy quny 11 mlrd teńgeni qurady. 

Mınımarkettiń kópshiligi Túrkistan (31), Jambyl (22) jáne Aqmola (21) oblystarynda ashyldy.

Osyǵan deıin elimizdegi halyq eń kóp qonystanǵan Túrkistan oblysynyń statıstıkalyq derekterin jarııaladyq.