Qazaqstanda 9 adam koronavırýs juqtyrdy

NUR-SULTAN. QazAqparat - Qazaqstanda ótken táýlikte koronavırýs ınfektsııasy 9 adamnan anyqtaldy, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııaǵa silteme jasap.

Infektsııa juqtyrǵandar úsh óńirde tirkelgen. Atap aıtqanda, Nur-Sultanda – 3, Almatyda - 3, Qaraǵandy oblysynda – 3.

Sonymen, elimizde koronavırýs ınfektsııasyn juqtyrǵandar sany 1 305 769 jetti.

Sondaı-aq, 141 adam koronavırýs ınfektsııasynan em qabyldap jatyr. Olardyń ishinde 45 patsıent statsıonarda, 96 naýqas ambýlatorııalyq deńgeıde, al 8 adamnyń jaǵdaıy aýyr.

Ótken táýlikte 1 naýqas – Qaraǵandy oblysynyń turǵyny jazylyp shyqty. Aıta ketsek, elimizde barlyǵy 1 292 020 adam COVID-19-dan emdeldi.