Qazaqstanda 9,2 mln astam adam koronavırýsqa qarsy tolyq egildi

NUR-SULTAN. QazAqparat – Qazaqstanda 9,2 mıllıonnan astam adam koronavırýsqa qarsy tolyq egildi, dep habarlaıdy QazAqparat indettiń taralýyna jol bermeý jónindegi vedomstvoaralyq komıssııa málimetine silteme jasap.

11 mamyrǵa deıin elimizde koronavırýs ınfektsııasyna qarsy vaktsınanyń 1-komponentin 9 490 372 adam, 2-komponentin 9 256 909 adam saldyrdy.

Sondaı-aq Qazaqstanda jasóspirimderdi, júkti áıelderdi jáne bala emizetin analardy «Pfizer» preparatymen vaktsınalaý jalǵasyp jatyr. 11 mamyrǵa deıin I dozamen - 1 101 145 adam, ІІ dozamen 960 025 adam egildi. Onyń ishinde, І komponentpen: jasóspirimder – 835 458, júkti áıelder – 38 803, bala emizetin áıelder – 137 931. ІІ komponentpen jasóspirimder – 770 492, júkti áıelder – 34 119, bala emizetin áıelder – 124 220.