Qazaqstanda 88 sý aıdynynyń tek 13-i ǵana taza - N.Qapparov
ASTANA. 24 jeltoqsan. QazAqparat - Qazaqstanda 88 sý aıdynynyń tek 13-i ǵana taza. Búgin QR Úkimeti otyrysynda Sý resýrstaryn basqarý jónindegi memlekettik baǵdarlamanyń jobasyn tanystyrǵan QR Qorshaǵan ortany qorǵaý jáne sý resýrstary mınıstri Nurlan Qapparov osylaı dedi.
«Kommýnaldyq ınfraqurylymdardyń basym bóliginiń tehnıkalyq jaı-kúıiniń qanaǵattanarlyqsyzdyǵy tehnıkalyq jáne aýyz sý sapasyna teris áser etedi. 2012 jyly lastaný kórsetkishi boıynsha jiktelgen 88 sý aıdynyń tek 13-i ǵana «taza» dep tanyldy»,- dedi ol.
Bul oraıda mınıstrdiń sózine qaraǵanda, baǵdarlamada búkil respýblıka aýmaǵyndaǵy sý aıdyndaryn tazalaý jáne jaqsartý boıynsha is-sharalar kesheni qarastyrylǵan.
«Tolyqtaı alǵanda aýyz sý sapasynyń standarttary Eýropalyq standarttarǵa saı keledi. Degenmen birqatar parametrlerdi túzetý qajet. Aǵyndy sýlar sapasy standarty eskirgen, qoldanýǵa qıyn. Eýropalyq standarttarǵa qarama-qaıshy ári qıyndaý. Aýyz sýdyń shynaıy sapasyna jáne aǵyn sýlar sapasynyń qabyldanǵan normalarǵa sáıkestigine qatysty ashyqtyq joq», - dedi N.Qapparov.
