Qazaqstanda 85 jastan asqan áıelderdiń sany osy jasqa jetken erlerden úsh esege jýyq kóp

Búgin Qazaqstan halqynyń sany resmı túrde 20 mıllıonǵa jetti. Osyǵan oraı Birinshi kredıt bıýrosy qyzyqty demografııalyq derekter usyndy. 

— Jas qyzdardyń eń kóp shoǵyrlanǵan jeri Astanada. Jyl basynda jas qyzdardyń úlesi halyqtyń 16,8 paıyzyn qurady.

— Jalpy jastardyń úlesi úsh negizgi qalada joǵary. Astana, Almaty jáne Shymkent qalalarynyń árbir úshinshi turǵyny — 14 pen 35 jas aralyǵynda.

— Qazaqstandyqtar arasynda eń sany kóp top — 16 men 62 jas aralyǵyndaǵy er azamattar: 5,71 mln adam.

— Uzaq ómir súretin erlerge qaraǵanda áıelderdiń sany áldeqaıda kóp. Jyl basynda 85 jastan asqan qazaqstandyq áıelderdiń sany 89,9 myń bolsa, olardyń erkek qurdastary 2,7 ese az boldy. 

— Halyq sany 22 jyl qatarynan ósip keledi, ǵasyrdyń basynan beri ortasha ósim qarqyny — jylyna 1,2%. 

— Ótken jyly ár 100 balaǵa 65 jastan asqan 28 adam keldi. Bul kórsetkish Mańǵystaý oblysynda eń tómen (10,8), Shyǵys Qazaqstan oblysynda eń joǵary (56,9).