Qazaqstanda 800 myń adam eńbekaqysyn konvertpen alyp júr
ASTANA. QazAqparat - Búginde eńbekaqyny konvertpen alý deńgeıi azaımaı tur. Bul týraly Parlament Májilisindegi jumyspen qamtý máselesine arnalǵan parlamenttik tyńdaýda depýtat Amanjan Jamalov málim etti, dep habarlaıdy QazAqparat.
«Búginde eńbekaqyny konvertpen alý tájirıbesi áli de keńinen taraǵan. Statıstıka boıynsha bul jumysshylardyń sany eleýli kórsetkishke jetti, ıaǵnı 800 myń adamǵa jýyqtap qaldy. Eńbekaqy tóleý qoryna júktemeni tómendetý sharalary birinshi kezekte atalǵan adamdardyń jarııa túrde jumys isteýine jol ashady. Sonymen qatar, biryńǵaı jıyntyq tólemniń engizilýimen ózin-ózi jumyspen qamtyǵandardy «kóleńkeden» shyǵarý máselesin túbegeıli sheshýge múmkindik beredi», - dedi Májilis depýtaty.
Budan buryn habarlanǵandaı, QR Eńbek jáne halyqty áleýmettik qorǵaý mınıstri Mádına Ábilqasymova ózin-ózi jumyspen qamtyǵan azamattarǵa qatysty jaǵdaı boıynsha túsinik berdi.
Sonymen qatar, Májilis tóraǵasy Nurlan Nyǵmatýlın stýdent jastarǵa mamandyǵy boıynsha jumysqa ornalasý nelikten qıyn ekenin túsindirdi.
