Qazaqstanda 800-den astam JKO-da qoǵamdyq kólikter baıqaldy

ASTANA. QazAqparat - Bıyldyń 9 aıynda elimizdiń joldarynda 13 078 jol-kólik oqıǵalary tirkelip, onyń saldarynan 18 691adam zardap shekti. Bul týraly QR Bas prokýratýrasy Quqyqtyq statıstıka jáne arnaıy esepke alý jónindegi komıteti baspasóz qyzmeti málimetinde aıtylǵan, dep habarlaıdy QazAqparat.

Joldaǵy apattardyń 90 paıyzdan astam (11 797) jaǵdaıynda JKO-lar júrgizýshiler kinásinen bolyp jatady, onyń ishinde 452-si  alkogoldik jáne esirtkilik mas kúıinde bolǵan júrgizýshilerdiń kinásinen oryn alǵan.

JKO-lar saldarynan 1715 adam kóz jumdy, onyń ishinde 171-i kámeletke tolmaǵandar.

Aǵymdaǵy jyly 844 jol-kólik oqıǵasynda qoǵamdyq jáne jolaýshylar kóligi baıqalǵan. Osy apattardan 57 adam qaza bolyp, 1 135-i jaraqat aldy. Olardyń kópshiligi (306 JKO) avtobýs júrgizýshileri kinásinen oryn alǵan kórinedi. Bul turǵyda júrgizýshilerdiń úsheýi JKO kezinde kólikti alkogoldik masaıǵan kúıinde basqarǵan.