Qazaqstanda 8 joldamaǵa 14 aýyr atlet úmitker
ASTANA. 13 naýryz. QazAqparat - Qazaqstannyń aýyr atletteri Londonǵa daıyndyqtaryn jalǵastyrýda. Búginde el qorjynynda 8 olımpıada joldamasy bar.
«Alaman» portalynyń málimetine qaraǵanda, bul lıtsenzııalarǵa 14 sportshy úmitti.
Federatsııa mamandarynyń málimdeýinshe, qazir Zúlfııa Chınshanlo, Maıa Maneza, Svetlana Podobedova, Enver Túrkelerımen birge jattyǵyp jatyr. Al Ilıa Ilın óz baǵdarlamasy boıynsha Polshada daıyndalýda. Vladımır Sedov, Vladımır Kýznetsov, Sergeı Istomın ózderiniń jeke bapkerlerimen Taldyqorǵanda óz jattyǵýdaryn pysyqtaýda. Sondaı-aq Beıjiń oıyndarynyń qola júldegeri Marııa Grabavetskaıa da qazir komandaǵa qosyldy.
