Qazaqstanda 8 jeltoqsanda ótetin mańyzdy sharalarǵa sholý

ASTANA. QazAqparat - «QazAqparat» halyqaralyq aqparat agenttigi Qazaqstanda 8 jeltoqsanda ótetin mańyzdy sharalar sholýyn usynady.

ASTANA

Saǵat 10.00-de QR Ulttyq mýzeıi «ArtMastersLondon» óner mektebimen birlesip, aýtıstıkalyq spektrinde aýytqý bar (sal aýrýy) jáne tserebraldy sal aýrýy týǵan balalarǵa arnalǵan «AYALA» ınklıýzıvti bilim berý jobasyn bastaıdy.

Saǵat 16.00-de «Rixos President Astana Hotel» qonaqúıinde týrızm salasyndaǵy Ulttyq syılyq jeńimpazdaryn marapattaý rásimi ótedi. Sharanyń uıymdastyrýshysy - «KazakhTourism» Ulttyq kompanııasy» AQ jáne QR Mádenıet jáne sport mınıstrligi.

ALMATY

Saǵat 10.00-de Abaı atyndaǵy Qazaq ulttyq pedagogıkalyq ýnıversıtette «Bizdiń ómirimizdiń eko-klýby» ekologııalyq klýbtarynyń arasyndaǵy baıqaýdyń aqtyq kezeńi ótedi. Baıqaý qorytyndysynyń baǵdarlamasynda ekoklýbtardyń kórmesi, olardyń tanystyrylymy, ekologııalyq taqyrypta qoıylymdar bolady.

Saǵat 13.00-de Halyq Arenada short-trektan Álem kýboginiń kezeńi bastalady.

ShYMKENT

Saǵat 09.00-de «Rixos Khadisha Shymkent» qonaq úıinde «Shymkent Development 2018» halyqaralyq ınvestıtsııalyq forýmy bastalady. Forýmǵa bedeldi saıasatkerler, álemdik jáne otandyq bıznes kóshbasshylary, iri korporatsııalar men qarjy ınstıtýttarynyń basshylary qatysady dep kútilýde.

KÓKShETAÝ

Saǵat 09.00-de «Táýelsizdik» alańynda Kókshetaý qalasy men jaqyn aýdandardyń aýyl sharýashylyǵy taýarlaryn óndirýshilerdiń qatysýymen azyq-túlik jármeńkesi ótedi. Jármeńkede et jáne kókónis ónimderiniń kóptegen túrleri naryq baǵasynan 15-20 paıyz tómen baǵada satylatyn bolady.