Qazaqstanda 8 statsıonar jabyldy

NUR-SULTAN. QazAqparat - Qazaqstan óńirlerinde provızorlyq jáne ınfektsııalyq statsıonarlar jabylady, sondaı-aq tósek-oryndar sany qysqarady, dep habarlaıdy QR Densaýlyq saqtaý mınıstrliginiń baspasóz qyzmeti.

Baspasóz qyzmetiniń málimetterine qaraǵanda, qazirgi ýaqytta Qazaqstanda 7 provızorlyq statsıonar jáne 1 ınfektsııalyq statsıonar jabyldy. Jalpy sany 1 070 tósek - oryn, sondaı-aq 6 provızorlyq statsıonarlarda (855 orynǵa) tósek-oryn sany qysqardy.

Jabylǵan aımaqtar:

Aqtóbe oblysy - BQMMÝ jataqhanasy (300 tósek-oryn);

Atyraý oblysy - Qurmanǵazy agrarly-tehnıkalyq kolledjiniń jataqhanasy (30 tósek), Jylyoı týberkýlezge qarsy dıspanseri (10 tósek), Atyraý oblystyq aýrýhanasy (200 tósek);

Qaraǵandy oblysy - oblystyq kardıoortalyq janyndaǵy «Týrıst» qonaqúıi (100 tósek), oblystyq psıhıkalyq densaýlyq ortalyǵy janyndaǵy QarMTÝ jataqhanasy (100 tósek);

Nur-Sultan qalasy - Qalalyq psıhıkalyq densaýlyq ortalyǵy (230 tósek - orny bar ınfektsııalyq statsıonar);

Shymkent qalasy - Oblystyq balalardy ońaltý ortalyǵy (100 tósek-oryn).

Tósek-oryn sanyn qysqartý boıynsha:

Mańǵystaý oblysy - Mańǵystaý oblystyq aýrýhanasy (150 tósektik), Jańaózen qalalyq aýrýhanasy (100 tósektik), Beıneý aýrýhanasy (30 tósektik), Túpqaraǵan aýdandyq aýrýhanasy (25 tósek-oryn), Mańǵystaý aýdandyq aýrýhanasy (50 tósek-oryn);

Pavlodar oblysy – «Moıyldy» shıpajaıy» AQ bazasyndaǵy Sultanov atyndaǵy gospıtal (500 tósek-oryn).

Qalǵan oblystarda jáne Almaty qalasynda provızor ortalyqtaryn jabý nemese tósek-oryn sanyn qysqartý aǵymdaǵy jyldyń 2 tamyzynan bastap josparlanýda.