Qazaqstanda 8 myńnan astam sharshy metrdiń nesıelik turǵyn úıleri iske qosyldy
ASTANA. 5 tamyz. QazAqparat - Qazaqstanda I jartyjyldyqta 8 myńnan astam sharshy metrdiń nesıelik turǵyn úıleri iske qosyldy, dep habarlady Qurylys jáne TKSh isteri jónindegi agenttiktiń baspasóz qyzmetinen Pm.kz saıtyna.
«2012 jyldyń qańtar-maýsym aılarynda jalpy aýdany 8,9 myń sharshy metrdiń turǵyn úıleri, jalpy aýdany 6,3 myń sharshy metrdiń páterleri iske qosyldy», delingen vedomstvo habarlamasynda.
Bul úıler Pavlodar oblysynda paıdalanýǵa berilip otyr. Aǵymdaǵy jyly Pavlodar oblysynda barlyǵy 30 myń sharshy metrdiń nesıelik turǵyn úılerin iske qosý josparlanǵan.
Oǵan qosa, aǵymdaǵy jyly 150 myńǵa jýyq sharshy metrdiń nesıelik baspanalary Astana jáne Almaty qalalarynda, sondaı-aq Aqtóbe jáne Qaraǵandy oblystarynda paıdalanýǵa beriledi.
Atap aıtqanda, Almatyda - 50,9 myń sharshy metrdiń, Aqtóbe oblysynda - 38,3 myń sharshy metrdiń, Qaraǵandy oblysynda - 30,2 myń, Astanada- 29,9 myń sharshy metrdiń nesıelik turǵyn úılerin iske qosý josparlanýda.
Sondaı-aq Aqmola oblysynda - 5,5 myń, Almaty oblysynda - 7,4 myń, Atyraý oblysynda - 12 myń, Jambyl oblysynda - 4,9 myń, Batys Qazaqstanda - 23 myń, Qostanaı oblysynda - 12 myń, Qyzylorda oblysynda - 6,8 myń, Mańǵystaý oblysynda - 24 myń, Soltústik Qazaqstan oblysynda - 17,8 myń jáne Shyǵys Qazaqstan oblysynda - 20,3 myń sharshy metrdiń turǵyn úıleri paıdalanýǵa beriledi.
Respýblıkada turǵyn úı qurylys jınaǵy júıelerin jetildirý jónindegi belsendi jumys júrgizilip jatqanyn aıta ketý kerek. 2012 jyldyń qańtar-maýsym aılarynda 3552 zaemshyǵa 12,4 mlrd. teńge somanyń turǵyn, aralyq jáne aldyn-ala turǵyn úı zaımdary berilgen, onyń ishinde Memlekettik baǵdarlamanyń aıasynda - 1302 zaemshyǵa jalpy somasy 4,2 mlrd. astam teńgeniń nesıesi berildi.
Jalpy alǵanda, aǵymdaǵy jyly elimizdiń barlyq óńirinde 313 myń sharshy metrdiń nesıelik turǵyn úılerin iske qosý josparlanýda.
