Qazaqstanda 8 maýsym kúni ótetin mańyzdy sharalarǵa sholý

ASTANA

Saǵat 9.00-de Nazarbaev ortalyǵynda QR Energetıka vıtse-mınıstri Maǵzum Myrzaǵalıevtiń qatysýymen Jańartylatyn energııa kózderiniń 2-shi Sammıti ótedi.

Saǵat 9.00-de Astana memlekettik qyzmet haby 40-tan astam eldiń quzyrly memlekettik organdary men sarapshylarynyń qatysýymen «Turaqty damý maqsattary dáýirinde memlekettik qyzmetti jetildirý» atty halyqaralyq konferentsııa ótkizedi. Ótetin orny - Astana Marriott Hotel.

Saǵat 09.30-da Táýelsizdik saraıynda QR Bilim jáne ǵylym mınıstri Erlan Saǵadıevtiń qatysýymen press-brıfıng bastalady.

Saǵat 10.20-da Ortalyq kommýnıkatsııalar qyzmetinde «Menıngokokk ınfektsııasynyń ahýaly» taqyrybynda  baspasóz máslıhaty ótedi.

11.30-da «Astana Balet» teatrynda QR Mádenıet jáne sport mınıstrliginiń uıymdastyrýymen ótetin «Eurasian Dance Festival» ІІ Halyqaralyq balet óneriniń festıvaline, sonymen qatar fantastıkalyq «Jızel» baletiniń tusaýkeserine arnalǵan baspasóz máslıhaty uıymdastyrylady.

Saǵat 12.20-da Ortalyq kommýnıkatsııalar qyzmetinde Qaraǵandy oblysynda «Rýhanı jańǵyrý» baǵdarlamasynyń júzege asyrylýy týraly baspasóz konferentsııasy ótedi. Spıker: Qaraǵandy oblysynyń ákimi Erlan  Qoshanov.

Saǵat 15.00-de «Nur Otan» partııasynyń Respýblıkalyq qoǵamdyq qabyldaý bólmesinde QR Aqparat jáne kommýnıkatsııalar mınıstri Dáýren Abaev azamattardy jeke máseleleri boıynsha qabyldaıdy.

16.00-de Qazaqstan Respýblıkasy Mádenıet jáne sport mınıstrliginde «Nur kelbetti Astana» atty Halyqaralyq kórkemsýret festıvaline arnalǵan baspasóz máslıhaty ótedi.

ALMATY

Saǵat 12.30-da Arbatta  Halyqaralyq nashaqorlyqpen kúres kúnine arnalǵan «Men ómirdi tańdaımyn» atty aktsııa ótedi. Sharany «Reliance» qoǵamdyq qory Almaty qalasynyń JITS-tiń aldyn alý jáne oǵan qarsy kúres ortalyǵymen birlesip ótkizedi.

Saǵat 15.00-de Almaty qalasynyń qoǵamdyq keńesine qarasty memleketti basqarý jáne ózin-ózi basqarý máseleleri jónindegi №6 komıssııa Naýryzbaı aýdany ákiminiń «Almaty -2020»  damý baǵdarlamasynyń 2017 jyly júzege asýy boıynsha esebin tyńdaıdy. Shara «Turan» ýnıversıtetiniń akt zalynda ótedi. 

Saǵat 18.30-da Qazaqstandaǵy Eýropa kúni men EO-Qazaqstan  dıplomatııalyq qarym-qatynasynyń 25 jyldyǵyn merekeleý aıasynda Eýropalyq kıno festıvaliniń ashylý saltanaty ótedi.  Ótetin orny: Kinopark 8 Moskva,  "Moskva". SOO.

ALMATY OBLYSY

Saǵat 10.00-de Taldyqorǵan qalasy, Ótenaı aýyldyq mádenıet úıinde "MEN QAZAQPYN" televızııalyq megajobasynyń oblystyq irikteý týry ótedi.

AQTÓBE OBLYSY

Saǵat 10:00-de «Baqytty bala» jobasy aıasynda  bilim alýǵa erekshe qajettilikteri bar balalarǵa arnalǵan arnaıy oblystyq (túzetim) balabaqsha ashylady.