Qazaqstanda 8 mamyrda ótetin mańyzdy sharalarǵa sholý
ASTANA
Saǵat 10:00-de Ortalyq qalalyq zıratta 1941-1945 jyldardaǵy Ekinshi dúnıejúzilik soǵysta jaraqat alyp, qaıtys bolǵan aqmolalyq jaýyngerlerdiń qorymynda dástúrli túrde gýl shoqtaryn qoıý rásimi ótedi.
ALMATY
Saǵat 14.00-de Almaty qalasyndaǵy arbatta shahardyń jastar saıasatyn damytý Memlekettik qory jastar saıasaty basqarmasynyń qoldaýymen «Biz - batyrlar urpaǵymyz» atty patrıottyq aktsııa ótkizedi. Shara aıasynda kontserttik baǵdarlamalar uıymdastyrylyp, jastar qala turǵyndaryn Jeńis kúnimen quttyqtaıdy.
Sondaı-aq, Ekinshi dúnıejúzilik soǵysta qaza tapqan almatylyqtardyń sýreti qoıylǵan fotoekspozıtsııa uıymdastyrylady.
Al, «Suńqar» halyqaralyq tramplınder kesheninde alǵashqy ret ulttyq beldesýden «Halyq Barysy» respýblıkalyq týrnıri ótedi.
«Halyq Barysy» - bul Halyqaralyq qazaq kúresi federatsııasy men QR Mádenıet jáne sport mınıstrligi, «Qazaqstan Barysy» qazaq kúresi qory men Almaty qalalyq ákimdiginiń birlesken jobasy.
Shyǵys Qazaqstan oblysy
Saǵat 11:00-de Óskemen qalasynyń Solnechnyı eldi mekenindegi qarttar úıinde Jeńis kúnine arnalǵan qaıyrymdylyq sharasy ótedi.
Soltústik Qazaqstan oblysy
Saǵat 10:00 jáne 10:30-da Dańq obelıskine, 314-shi atqyshtar dıvızııasy jaýyngerleriniń eskertkishine gúl shoqtaryn qoıý rásimi ótedi.
ATYRAÝ
Saǵat 9.00-de Qaıyrshaqty aýyldyq okrýginde Keńes Odaǵynyń Batyry Qaıyrǵalı Smaǵulovtyń zıratyna gúl shoqtaryn qoıý rásimi ótedi.
Saǵat 10.00-de Ekinshi dúnıejúzilik soǵysyna qatysqandarǵa jáne 1921 jyly Gýrev qalasynda Keńes úkimetin ornatý jolynda qaza tapqandarǵa arnalǵan eskertkishke gúl qoıý rásimi ótedi.
Saǵat 10.00-de Atyraý qalasyndaǵy №2 orta mektepte Á .Moldaǵulovany eske alýǵa arnalǵan nysana kózdeýden qyzdar arasynda qalalyq týrnır ótedi.
Saǵat 11.00-de «Qyzyl Juldyz» ordeniniń ıegeri, soǵys jáne eńbek ardageri Jaqsyǵalı Esembaevtyń atyna berilgen kósheniń saltanatty ashylý rásimi ótedi.
