Qazaqstanda 8 qyrkúıek kúni ótetin mańyzdy sharalarǵa sholý
ASTANA. QazAqparat - «QazAqparat» halyqaralyq aqparat agenttigi Qazaqstanda 8 qyrkúıekte ótetin mańyzdy sharalar týraly sholýdy usynady.
ASTANA
Saǵat 11:00-de «Qazaqstan» Ortalyq kontsert zalynda «Mereıli otbasy» Ulttyq konkýrsynyń jeńimpazdaryn marapatttaý saltanaty ótkiziledi.
Saǵat 12:00-de Qazaqstandaǵy Ózbekstan týrızmi jylyna oraı Astana qalasynyń Ortalyq ámbebap dúkenniń aldyndaǵy alańda ulttyq jáne ózbek taǵamdarynyń gastronomııalyq kórmesi uıymdastyrylady.
Saǵat 17:00-de Astana qalasynyń Ulttyq tennıs ortalyǵynda 12 jasqa deıingi balalar arasyndaǵy Azııanyń komandalyq birinshiliginiń aqtyq kezeńi bastalady.
ALMATY
Saǵat 10:00-de «ARTıShOK» teatrynyń aýmaǵynda «Almaty urban forum» sharasy bastalady. Shara barysynda Almaty qalasynda sońǵy úsh jylda júzege asyrylǵan jobalar men bastamalardyń tájirıbeleri taldanatyn bolady.
Saǵat 10:00-de «Astana» alańynda jyldaǵy dástúr boıynsha «KITAP FEST» kitap kórmesi uıymdastyrylady. Oǵan 6 myńǵa tarta almatylyq qatysady dep kútilýde.
Saǵat 10:00-de QBTÝ aldyndaǵy saıabaqta «Dámdi Almaty» atty otbasylyq taǵamdar festıvali ótkiziledi.
QYZYLORDA
9.00-de «Lokomotıv» stadıonynda Syr fýtbolynyń túlegi, QR Qurmetti sport qaıratkeri Sultan Ábenovtyń júldesi úshin fýtboldan respýblıkalyq týrnır bastalady.
