Qazaqstanda 8,57 mln tonna astyq bastyryldy

ASTANA. QazAqparat - Aýylsharýashylyq daqyldaryn jınaý jónindegi jedel aqparatqa sáıkes, 2017 jyldyń 4 qyrkúıegine deıin Qazaqstanda 8576,8 myń tonna astyq bastyryldy, dep habarlaıdy «QazAqparat» HAA tilshisi QR AShM aqparatyna silteme jasap.

Oblystyq aýyl sharýashylyǵy basqarmalarynyń málimetine sáıkes, 6785,2 myń gektar aýmaqta egin jınaldy. Bul - óńirlerdiń astyq orylatyn aýmaqtarynyń 44,7 protsenti. Ortasha túsim gektaryna 12,6 tsentnerdi qurap otyr.

2016 jyldyń dál osy kezeńimen salystyrsaq: byltyr osy ýaqytta 4883,7 myń gektar aýmaq ıgerilip (nemese barlyq aýmaqtyń 32,1 protsenti), 7148,7 myń tonna astyq bastyrylǵan. Ortasha túsim gektaryna 14,6 tsentnerdi qurady.

2017 jyly egin jınaý aýmaǵy 15 165,1 myń gektardy quraıdy, 2016 jyly 15 203,9 myń gektar bolǵan edi.