Qazaqstanda 78 medıtsınalyq uıymnyń lıtsenzııasy keri qaıtaryldy: arasynda stomatologııalyq klınıkalar da bar
ASTANA. KAZINFORM — Densaýlyq saqtaý mınıstrligi bıylǵy jyldyń alǵashqy toǵyz aıynda 78 medıtsınalyq uıymnyń lıtsenzııasyn keri qaıtarǵan. Olardyń qatarynda stomatologııalyq klınıkalar da bar. Bul týraly vedomstvonyń baspasóz qyzmeti málim etti.
Vedomstvoǵa qarasty Medıtsınalyq jáne farmatsevtıkalyq baqylaý komıteti 2026 jyldyń 9 aıyndaǵy baqylaý jáne qadaǵalaý qyzmetiniń qorytyndysyn jarııalady. Tekserý nátıjeleri boıynsha aýmaqtyq departamentter zańnama talaptaryn buzǵan medıtsınalyq uıymdardyń lıtsenzııalaryn sot tártibimen toqtatý rásimderin bastady.
Nátıjesinde 78 medıtsınalyq uıymnyń, onyń ishinde stomatologııalyq klınıkalardyń lıtsenzııasy keri qaıtaryldy.
Bul jumys patsıentterdiń qaýipsizdigin qamtamasyz etýge, lıtsenzııalyq talaptardyń saqtalýyn baqylaýǵa jáne medıtsınalyq qyzmet kórsetýshilerdiń jaýapkershiligin arttyrýǵa baǵyttalǵan.
Mınıstrliktiń málimetinshe, basty qaǵıda: medıtsınalyq kómek kórsetý quqyǵy zańnama talaptary men qaýipsizdik standarttaryn múltiksiz saqtaýmen qatar júrýge tıis.
Buǵan deıin Densaýlyq saqtaý júıesinde lıtsenzııasyz jumys istegen 40 uıym anyqtalǵan bolatyn.
