Qazaqstanda 75,7 mlrd teńgeniń zańsyz ıemdenilgen jyljymaıtyn múlki memleketke qaıtaryldy
ASTANA. KAZINFORM – Elimizde 2023 jyldyń qyrkúıeginen beri memleketke jalpy quny 1,154 trln teńge bolatyn zańsyz ıemdenilgen aktıvter qaıtaryldy. Onyń 75,7 mlrd teńgesi – jyljymaıtyn múlik.
QR Bas prokýratýrasynyń málimetinshe, Aktıvterdi qaıtarý komıteti memleket menshigine jalpy somasy 1,154 trln teńgeniń aktıvterin qaıtarǵan.
Atap aıtqanda:
· aqshalaı qarajat – 1,044 trln teńge;
· jyljymaıtyn múlik – 75,7 mlrd teńge;
· kompanııalardaǵy úlester – 12,1 mlrd teńge;
· jer telimderi – 19,2 mlrd teńge;
· ózge aktıvter – 2,9 mlrd teńge.
Jyldar boıynsha qaıtarylǵan aktıvterdiń kólemi:
· 2024 jyly – 302,5 mlrd teńge;
· 2025 jyly – 773,7 mlrd teńge;
· 2026 jyly – 77,7 mlrd teńge.
Zańsyz ıemdenilgen aktıvter esebinen osy ýaqytqa deıin qandaı nysandar salyndy jáne qaıtarylǵan qarajattyń qaıda jumsalatynyn kim sheshedi? Bul týraly Kazinform tilshisiniń sholýynan oqı alasyzdar.
Buǵan deıin Astanada qaıtarylǵan aktıvter esebinen 1200 oryndyq jańa mektep salynatyny habarlanǵan edi.
Sondaı-aq Şýchınsk pen Býrabaıdyń sýmen jabdyqtaý júıesin jańǵyrtýǵa qaıtarylǵan aktıvter esebinen 1,4 mlrd teńge bólinedi.
