Qazaqstanda 75 jańartylatyn energııa kózi bar – Azernews
NUR-SULTAN. QazAqparat - Búgingi tańda Qazaqstanda 75 jańartylatyn energııa kózi jumys istep tur. Olardyń jalpy qýaty 683,6 MVt qamtıdy, dep jazady Azernews.
«Qazaqstandaǵy jańartylatyn energııa óndirisiniń eń úlken kólemi Jambyl oblysynda. Munda 11 jańartylatyn energııa kózderiniń beseýi sýdan, úsheýi kúnnen, úsheýi jelden energııa alady. Ekinshi orynda Almaty oblysy tur. Munda jańartylatyn energııanyń jalpy kólemi 163,43 MVt. Almaty oblysynda 26 jańartylatyn energııa kózi baryna qaramastan, oblys energııa kólemi boıynsha artta tur. Úshinshi oryndaǵy Qaraǵandy oblysynda tórt obektiniń ekeýi kúnnen, bireýi sýdan, bireýi bıogazdan energııa alady», - dep jazady basylym.
Avtor Qostanaı oblysy bıogazdan energııa óndiretin jalǵyz óńir ekenin aıtady.
«Nur-Sultan qalasynda eki jańartylatyn energııa kózi bar. Shymkentte bireý. Bıyl Qazaqstan 17 jańartylatyn enerııa kózin ashýdy josparlap otyr, búgingi kúnge deıin onyń jeteýi iske qosylǵan»,- dep jazady avtor.
