Qazaqstanda 742 shaqyrym elektr jelisiniń ıesi joq
Elimizdiń bas energetıgi ıesiz jelilerdi qysqartý boıynsha qyrýar sharýa atqarylyp jatqanyn aıta kele, energııa berýshi uıymdar sany 162-den 152-ge azaıtylǵanyn atady. Onyń pikirinshe, mundaı qadam saladaǵy qaýipsizdik deńgeıin arttyryp otyr.
«2018 jyly ıesiz jeliler uzyndyǵy 2 350 shaqyrym bolsa, 2019 jyldyń basynda bul kórsetkish 1 336 shaqyrymǵa azaıdy. Al sońǵy bes aıdyń ishinde 594 shaqyrym elektr jelisi jergilikti kásiporyndar balansyna berilip, 742 shaqyrymy ıesiz tur», - deıdi Qanat Bozymbaev.
Mınıstr ataǵan qadamdardyń nátıjesinde elektr jelisindegi jazataıym oqıǵalar azaıǵan.
«Jalpy 2023 jylǵa qaraı respýblıka boıynsha energııa berýshi uıymdar sanyn 110-ǵa deıin qysqartý kózdelip otyr. Al ıesiz jeliler men kommýnaldyq uıymdar múlde bolmaıdy», - dedi ol.
Qanat Bozymbaev elektrmen jabdyqtaý júıesiniń qoljetimdiligi boıynsha Qazaqstan Dúnıejúzilik banktiń «Doing Business» reıtınginde Qazaqstan 76-shy orynda turǵanyn aıtty.
Aıta keteıik, el aldynda esep bergen energetıka mınıstri Qanat Bozymbaev 2027 jylǵa deıin Qazaqstanda elektrge tapshylyq bolmaıtynyn aıtqan bolatyn.
