Qazaqstanda 7 týroperatordyń qyzmeti ýaqytsha toqtatyldy
Zańnama talaptaryn oryndamaǵan 7 týrfırma lıtsenzııalarynyń qoldanysy ýaqytsha toqtatyldy. Kazinform bul týraly Týrızm jáne sport mınıstrliginiń baspasóz qyzmetine silteme jasap habarlaıdy.
Qazaqstan azamattarynyń týrızm baǵytyndaǵy quqyqtaryna kepildik berý júıesiniń ákimshisi – «Týrıstik Qamqor» korporatıvtik qorynyń aqparaty negizinde Týrızm jáne sport mınıstrliginiń Týrızm ındýstrııasy komıteti Astana jáne Almaty qalalarynyń basqarmalarymen birlesip, kelesi kompanııalardyń qyzmetine ýaqytsha tyıym saldy:
- JShS Hajar.travel, BSN 220440022505, 16.11.2022 jyly berilgen № 22021332 lıtsenzııa. Sharany Almaty qalasy týrızm basqarmasy qoldandy;
- Tanym Group JShS, BSN 220840042356, 26.01.2023 j. 23002555 lıtsenzııa, Almaty qalasy týrızm basqarmasy;
- B&K Travel KZ JShS, BSN 170340030664, 03.08.2017 j. № 17013918 lıtsenzııa, Almaty qalasy týrızm basqarmasy;
- «TVV týr» JShS, BSN 970840000415, 10.09.2019 j. № 19018684 lıtsenzııa, Almaty qalasynyń týrızm basqarmasy;
- LS tour kz JShS, BSN 180940004773, 18.09.2018 j. № 18017327 lıtsenzııa, Astana qalasynyń Investıtsııalar jáne kásipkerlikti damytý basqarmasy;
- «Barhatnyı sezon» JShS, BSN 110640003256, 11.02.2022 j. № 22002714 lıtsenzııa, Astana qalasynyń Investıtsııalar jáne kásipkerlikti damytý basqarmasy;
- Sultan Hajj Travel JShS, BSN 160340008324, 14.02.2023 j. № 23004269 lıtsenzııa, Astana qalasynyń Investıtsııalar jáne kásipkerlikti damytý basqarmasy shara qabyldandy.
Atalǵan týroperatorlar óz qyzmetin júzege asyrý quqyǵynan ýaqytsha aıyryldy. Atalǵan kompanııalar Qazaqstan azamattarynyń shet memleketterge týrızm salasyndaǵy quqyqtaryna kepildik berý júıesiniń sýbektileri bolyp tabylady. Alaıda olar «Qazaqstan Respýblıkasyndaǵy týrıstik qyzmet týraly» QR Zańynyń 27-3-babynda kózdelgen mindettemelerdi oryndamaǵan nemese olardy tıisinshe oryndamaı otyr.
«Qazirgi ýaqytta, "E-lıtsenzııalaý" (e-licence.kz) memlekettik bazasy» aqparattyq júıesine sáıkes lıtsenzııalardyń jáne, tıisinshe, atalǵan týrıstik kompanııalardyń lıtsenzııalaryna qosymshalardyń qoldanylýy 6 aı merzimge toqtatyldy. Bul rette, eger anyqtalǵan/belgilengen buzýshylyqtar joıylmasa, ýaqytsha tyıym merzimi jańa kezeńge uzartylatyn bolady», - delingen mınıstrliktiń baspasóz qyzmeti usynǵan málimette.
Aıta keteıik, qandaı da bir lıtsenzııanyń mártebesin «E-lıtsenzııalaý» (e-licence.kz) memlekettik bazasy» aqparattyq júıesinde tekserýge bolady.
Sondaı-aq týrızm salasyndaǵy ruqsattar men habarlamalardyń tolyq memlekettik elektrondyq tizilimin komıtettiń saıtynda kórýge bolady:
