Qazaqstanda 7 shildede aýa raıy qubylmaly bolady

ASTANA. KAZINFORM – «Qazgıdromet» RMK málimetinshe, 2025 jylǵy 7 shildede Qazaqstannyń basym bóliginde tsıklon jáne oǵan ilesken atmosferalyq frontaldy bólikterdiń áserinen aýa raıy turaqsyz bolady.

Sınoptıkterdiń boljamyna sáıkes, respýblıkanyń soltústiginde, shyǵysynda naızaǵaıly jańbyr jaýyp, keı jerlerde qatty jańbyr kútiledi. Soltústik, shyǵys jáne ortalyq óńirlerde burshaq jaýýy yqtımal.

Al batys, ońtústik jáne ońtústik-shyǵys oblystarda antıtsıklonnyń yqpalymen jaýyn-shashynsyz aýa raıy saqtalady.

Elimiz boıynsha jel kúsheıip, soltústik pen shyǵysta daýyl turýy múmkin. Soltústik-batys aımaqtarda túngi jáne tańǵy ýaqyttarda tuman túsýi yqtımal.

Birqatar óńirlerde órt qaýpi joǵary deńgeıde saqtalady:

• Joǵary órt qaýpi Mańǵystaý, Atyraý oblystarynda, Almaty oblysynyń ońtústigi men shyǵysynda, Aqmola oblysynyń batysynda, Shyǵys Qazaqstannyń ońtústigi men ortalyǵynda, Aqtóbe oblysynyń ońtústik jáne ońtústik-shyǵysynda, Ulytaý oblysynyń ortalyǵynda kútiledi.

• Tótenshe órt qaýpi Jambyl, Qyzylorda, Túrkistan, Jetisý oblystarynda, Almaty oblysynyń soltústik, batys jáne ortalyq bólikterinde, Qaraǵandy oblysynyń batys, ońtústik, shyǵys óńirlerinde, Ulytaý oblysynda, Aqtóbe oblysynyń ortalyǵynda, Mańǵystaý oblysynyń soltústik-batysynda, Qostanaı oblysynyń ońtústik-batysynda, Abaı oblysynyń ońtústiginde boljanady.

Sonymen qatar, kúndizgi ýaqytta keı óńirlerde aptap ystyq kútiledi:

• Almaty oblysynda +35°C,

• Qyzylorda oblysynda +40°C,

• Ulytaý oblysynda +35…37°C,

• Jetisý oblysynyń shyǵysy men soltústiginde +35…37°C deıin ysıdy.

Mamandar turǵyndardy saqtyq sharalaryn qatań saqtaýǵa jáne aýa raıynyń qolaısyzdyǵy kezinde alys jolǵa shyqpaýǵa keńes beredi.