Qazaqstanda 7 myńnan astam kásiporyn halyqaralyq jáne ulttyq standarttarǵa sáıkes menedjment júıesin engizdi

ASTANA. QazAqparat - Tehnıkalyq retteý men sapa ınfraqurylymy baǵytynda 2014 jylǵy 1 jartyjyldyqtaǵy jaǵdaı boıynsha Qazaqstannyń 7 146 kásiporny halyqaralyq jáne ulttyq standarttarǵa sáıkes, menedjment júıesin engizip, sertıfıkattady.

Atap aıtqanda, 2013 jyldan beri osyndaı kásiporyndardyń sany 800-ge artqan. Al menedjment júıesin engizgen eksportqa negizdelgen kásiporyndar 230-ǵa jetti.

Menedjment júıesin engizgen kásiporyndardyń basym bóligi iri oblystar men qalalarda ornalasqan.

Mysaly, Almatyda bundaı kásiporyndar 1 353 nemese jalpy kólemnen 19 paıyzdy qamtyp otyr. Qaraǵandy oblysynda - 665, Astanada -753, OQO-da -600, Jambyl oblysynda - 529, Aqtóbe oblysynda - 432, Mańǵystaý oblysynda 380 osyndaı kásiporyn bar.

Belsendi bıznes sýbektileriniń jalpy sanynda, ıaǵnı 229 999 kásiporynnyń ishinde menedjment júıesin engizip, sertıfıkattaǵandar 7 146-ǵa jetti nemese 3,1 paıyzyn qamtyp otyr. Іri bıznes sýbektileriniń jalpy sany 2 173 bolsa, onyń arasynda menedjment júıesin engizip, sertıfıkattaǵandary 578-di (26,6 paıyzy) qurady. Orta bızneste bul kórsetkish 17,9 paıyz, al shaǵyn bızneste 2,1 paıyz deńgeıinde.