Qazaqstanda 7 myńnan astam bala jasandy jolmen uryqtandyrý arqyly dúnıege kelgen
ASTANA. 14 maýsym. QazAqparat - Qazaqstanda sońǵy 17 jylda 7 myńnan astam bala dúnıege jasandy jolmen uryqtandyrý arqyly kelgen.
Bul týraly búgin halyqaralyq ǵylymı konferentsııada Memleket basshysynyń keńesshisi, QR Prezıdenti janyndaǵy áıelder isi jáne otbasy-demografııalyq saıasat jónindegi Ulttyq komıssııa tóraıymy Gúlshara Ábdihalyqova málim etti.
Onyń aıtýynsha, elimizde reprodýktıvti medıtsınany damytýda kóp jumys jasaldy. Densaýlyq saqtaýǵa bólinetin bıýdjet qarajatynda 2009 jyldan bastap ekstrakorporaldy uryqtandyrý (EKU) baǵdarlamasy jeke qarjylandyrylyp, oǵan bólinetin qarajat jyldan jylǵa ósip keledi.
«Mysaly, 2010 jyly memleket EKU-ny qarjylandyrý úshin 100 tegin kvotaǵa qarajat bóldi, al 2013 jyly olardyń sany 600-den asty.
EKU tehnologııasyn engizgen 17 jyldyń ishinde jasandy jolmen uryqtandyrý arqyly 7 myńnan astam sábı dúnıege keldi», - dedi G. Ábdihalyqova.
Qazaqstandyq reprodýktsııa assotsıatsııasynyń bergen málimeti boıynsha, elmizde 300-350 myńdaı bala týý jasyndaǵy otbasy bedeýlik dertine shaldyqqan.
