Qazaqstanda 7 myńnan astam adamnyń azamattyǵy joq - ІІM
«Іshki ister mınıstrliginiń málimeti boıynsha sheteldikterdiń Qazaqstannyń kóshi-qon zańnamasyn 2016-2018 jyldary buzý dınamıkasy tutastaı alǵanda ózgergen joq. Sonymen qatar, azamattyǵy joq adamdardyń kóshi-qon zańnamasyn buzý dınamıkasy edáýir buzyp otyr. Statıstıka kórsetip otyrǵandaı, eger 2016-2018 jyldary azamattyǵy joq adamdar sany 1,2 esege ǵana ulǵaıǵan bolsa, azamattyǵy joq adamdar jasaǵan buzýshylyqtardyń sany 4,5 esege ósken», - dedi B. Mamyraev.
Osyǵan baılanysty ol QR ІІM ókilinen azamattyǵy joq adamdar jasaǵan buzýshylyqtardyń ósýine qatysty, sondaı-aq mınıstrlik buzýshylyqtardyń jolyn kesý úshin qandaı sharalar qabyldap jatqandyǵyn surady.
Óz kezeginde QR Іshki ister mınıstriniń birinshi orynbasary Marat Qojaev statıstıka boıynsha 2016-2019 jyldar aralyǵynda kóshi-qon zańnamasyn buzǵan adamdar sany azaıyp bara jatqanyn atap ótti.
«Biraq jańaǵy azamattyǵy joq adamdardyń zań buzýy statıstıka boıynsha azdap ósken. Onyń sebebine toqtalsaq, bizde qazir elimizde 7 myńnan astam azamattyǵy joq adamdar bar. Bul kisilerdiń jasaıtyn zań buzýshylyqtary negizinen Qazaqstanda tirkeýsiz turýy, kýálikteriniń kúshi joıylǵan nemese kýáligin joǵaltýyna qatysty. ıAǵnı, munyń barlyǵy biz júrgizgen reıdtik jáne tekseris sharalary kezinde anyqtalǵan quqyq buzýshylyqtar. Degenmen, bul faktiler kóshi-qon ahýaly jaǵdaıynyń nasharlaýyna yqpal etpeıdi», - dedi Marat Qojaev.