Qazaqstanda 7 myńǵa jýyq memlekettik kásiporyn jumys isteıdi
Zań jobasynyń negizgi maqsaty bıznes qatysatyn ekonomıka salalaryna memlekettiń qatysýy úlesin shekteý úshin quqyqtyq negizderdi bekitý bolyp tabylady. Osy arqyly memlekettik aktıvterdi basqarý salasyndaǵy zańnama jetildiriledi. Qujat normalaryna sáıkes, jańa memlekettik kásiporyndar men enshiles kompanııalar qurýǵa qatań shekteý engiziledi. Anyqtalǵan qaǵıdattarǵa qaramastan, qurylǵan memlekettik kompanııalar jekeshelendirilip, monopolııalarǵa qarsy organdy kúsheıtý qarastyrylady. Buǵan baılanysty zań jobasynda monopolııaǵa qarsy organnyń taýarly naryqtaryn básekelestik ortaǵa berý úshin qyzmet túrlerin jáne memlekettik kompanııalardy anyqtaý turǵysynda jyl saıynǵy taldaý júrgizýdi bekitetin norma engiziledi. Sonymen qatar arnaıy taldaý jasalyp, sonyń nátıjesinde Úkimetke básekelestik ortaǵa beriletin memlekettik kompanııalardyń jáne qyzmet túrleriniń tizbesi joldanady. «Búgingi tańda bizde memlekettik sektorda shamamen 7 myń kásiporyn bar. Olar: «Samuryq-Qazyna» jáne basqa da ulttyq kompanııalar men memlekettik kásiporyndardyń quramyna kiretin kvazımemlekettik kásiporyndar, respýblıkalyq jáne mýnıtsıpaldi kásiporyndar. Olardyń sany joǵary, sońǵy jyldary olardyń sanynyń artýy baıqalyp keledi», - dedi QR Ulttyq ekonomıka vıtse-mıınstri Tımýr Jaqsylyqov BAQ ókilderine bergen suhbatynda.
