Qazaqstanda 7 maýsymda ótetin mańyzdy sharalarǵa sholý

NUR-SULTAN

Saǵat 9.30-da Park inn qonaq úıinde Nur-sultan qalasynyń 2050 jylǵa deıingi damý strategııasyn ázirleý aıasynda «Zertteý jáne konsaltıng ortalyǵy» JShS qala ákimdigimen birlesip «Tórtinshi ónerkásiptik revolıýtsııa dáýirindegi qalalar jáne sandyq ekonomıka» taqyrybynda dóńgelek ústel ótkizedi.

Saǵat 10.00-de Úkimet úıinde egis naýqanyna qatysty baspasóz máslıhaty ótedi. Spıker: AShM birinshi vıtse - mınıstri Aıdarbek Saparov.

Saǵat 10.00-de ІІM-de ІІM Ákimshilik polıtsııa komıtetiniń tóraǵasy Maqsat Baıbolovtyń qatysýymen qoǵamdyq jáne jol qaýipsizdigin qoldaý, kóshelerde jáne basqa da qoǵamdyq oryndarda qylmystyń aldyn alý boıynsha «Quqyqtyq tártip» jedel-aldyn alý is-sharalarynyń nátıjeleri týraly brıfıng ótedi.

Saǵat 11.00-de «Zańgerler - ádil saılaý úshin» respýblıkalyq qoǵamdyq birlestiginde Qazaqstan Prezıdentiniń saılaýyna, atap aıtqanda, kandıdattardyń saılaý aldyndaǵy úgit kezeńiniń aıaqtalýyna arnalǵan baspasóz konferentsııasy ótedi.

Saǵat 15.00-de QR Ádilet mınıstrliginiń baspasóz ortalyǵynda QR Ádilet mınıstri Marat Beketaevtyń tóraǵalyq etýimen jáne memlekettik organdardyń, úkimettik emes sektordyń jáne bıznes-qoǵamdastyqtyń qatysýymen zań jobalaý qyzmeti máseleleri jónindegi vedomstvoaralyq komıssııanyń kezekti otyrysy uıymdastyrylady.

Saǵat 16.00-de qalalyq bilim berý basqarmasynyń basshysy Ánýar Janǵozınniń qatysýymen 2019 jyldyń 7 maýsymynda «Balalardy orta bilim berý uıymdaryna onlaın tártibinde qabyldaý» taqyrybynda brıfıng ótkiziledi.

Saǵat 16.00-de Qazaqstan Respýblıkasy Ortalyq saılaý komıssııasynyń kelesi máseleler boıynsha ashyq otyrys bastalady.

Saǵat 18.00-de Nur-Sultan qalasynyń «Jetisý» saıabaǵynda qala ákimdiginiń qoldaýymen Nur-Sultan qalasy Qazaqstan halqy Assambleıasy etnomádenı birlestikteriniń shyǵarmashylyq toptary gala-kontsert ótkizedi.

ALMATY

Saǵat 10.00-de Boraldaı saq qorǵandarynda «Uly dala - kóshpendiler álemi» etnofestıvali ótedi.

Saǵat 10.00-de «Almaty-2» temirjol vokzalynda «Jolaýshylar tasymaly» AQ alǵashqy «Jolaýshylarǵa qyzmet kórsetý ortalyǵynyń» saltanatty ashylýy ótkizedi.

Saǵat 11.00-de «Qaz Jol» qonaq úıinde «Ystyqkól-2019» týrıstik maýsymy qarsańynda KTA Qyrǵyz Respýblıkasynyń QR-daǵy Bas konsýldyǵymen birlesip, qazaqstandyq týroperatorlar men BAQ úshin Qyrǵyzstannyń múddeli mınıstrlikteri men vedomstvolarynyń qatysýymen keńes ótkizedi.

Saǵat 15.00-de «Dostyq úıinde» dóńgelek ústel ótkiziledi.