Qazaqstanda 7 qyrkúıekte ótetin mańyzdy sharalarǵa sholý

Saǵat 9:00-de «RixosPresident» qonaq úıinde Qazaqstan-Qytaı bıznes-forýmy ótedi.

Saǵat 10:00-de Astana medıtsınalyq ýnıversıtetine QR Kodeksiniń «Halyq densaýlyǵy men densaýlyq saqtaý júıesi» tujyrymdamasy jobasyn kóppen birge talqylaý boıynsha qoǵamdyq tyńdaý ótkiziledi. Jıynǵa Densaýlyq saqtaý mınıstri Eljan Birtanovpen birge Astana, Almaty men Shymkent qalalarynyń jáne oblystyq densaýlyq saqtaý basqarmalarynyń basshylary, ÚEU músheleri qatysady.

Saǵat 10:00 Baraev atyndaǵy bıdaı sharýashylyǵynyń ulttyq-óndiristik ortalyǵynda egin oraǵy jumystarynyń bastalýyna baılanysty Egin merekesi bastalady. Sharaǵa Premer-mınıstriniń orynbasarlary Ómirzaq Shókeev pen Asqar Jumaǵalıev qatysady.

Saǵat 13:30-da «Beıjiń Palas» qonaq úıinde «Bir beldeý, bir jol» aıasynda qazaqstan-qytaı forýmy bastalady. Shara taldaý ortalyqtary, BAQ pen mádenı qarym-qatynas salasynda tájirıbe almasýǵa arnalmaq.

Saǵat 15:00-de Respýblıkalyq dıagnostıkalyq ortalyqta Otbasy kúnine arnalǵan merekelik shara ótedi.

Saǵat 15:00-de respýblıkalyq bıýdjettiń atqarylýyn baqylaý boıynsha Esep komıtetiniń otyrysy bastalady.

Saǵat 16:00-de QR Ádilet mınıstri Marat Beketaevtyń tóraǵalyq etýimen jáne memlekettik organdardyń, úkimettik emes sektordyń jáne bıznes-qoǵamdastyqtyń qatysýymen zań jobalaý qyzmeti máseleleri jónindegi vedomstvoaralyq komıssııanyń kezekti otyrysy ótedi. 

Saǵat 16:00-de «Alaý» muz aıdynynda Qazaqstanda Otbasy kúnin merekeleý aıasynda Astana qalasynyń memlekettik qyzmetshileri arasynda «Memlekettiń tiregi - otbasy» atty otbasylyq spartakıada ótedi.

ALMATY

Saǵat 10:00-de Respýblıkalyq kásipkerlerge kómek ortalyǵynda «Bıznesti úılestirý bólimi» men «RKKO EDUCATION» bólimi ashylady.

Saǵat 10:00-de UQShU (Ujymdyq qaýipsizdik týraly shart uıymy) áskerı-ekonomıkalyq yntymaqtastyǵy boıynsha Memleketaralyq komıssııanyń XVI otyrysy bastalady. Shara «RAHAT PALACE» qonaq úıiniń «Kezdesý» konferents-zalynda ótkiziledi.

Saǵat 11:00-de QR Mádenıet jáne sport mınıstrliginiń tapsyrysymen «Qazaqfılm» kınostýdııasy túsirgen «Kinoplexx Sary Arka» kınoteatrynda «Alash týy astynda» jańa derekti fılminiń tusaýkeseri ótedi.

Saǵat 15:00-de «Nur Otan» partııasynyń Almaty qalalyq fılıalynyń baspasóz-ortalyǵynda «Almatyda balany sportqa qalaı qyzyqtyrýǵa bolady?» taqyrybynda brıfıng ótedi.

TÚRKІSTAN

7 qyrkúıek kúni Túrkistan oblysy densaýlyq saqtaý basqarmasynyń basshysy Muqan Egizbaev Kentaý qalasyndaǵy ortalyq aýrýhanada kompıýterli tomografııa ortalyǵyn ashady.

ShYMKENT

Saǵat 11:00-de Shymkent qalasyndaǵy «Ońtústik» baspasóz klýbynda Túrkistan oblysy ákiminiń orynbasary Erbol Tasjúrekovtyń qatysýymen  brıfıng ótedi. Brıfıng 28 qyrkúıekte «Ejelgi Túrkistan - jańa múmkindikter» taqyrybyndaǵy Birinshi halyqaralyq ınvestıtsııalyq jəne týrısttik forým jaıynda bolady.

Saǵat 15:00-de «Atameken» bıznes-ortalyǵynda Túrkistan  oblysy Kásipkerler palatasynyń Kásipkerlerdiń quqyqtaryn qorǵaý jáne sybaılas jemqorlyqqa qarsy is-qımyl jónindegi keńestiń kezekti otyrysy ótedi. Keńeste  memlekettik satyp alý salasynda jáne kásipkerlerdiń  jyljymaıtyn múlikke konstıtýtsııalyq quqyqtarynda týyndaǵan ákimshilik kedergiler jáne buzýshylyqtar jónindegi máseleler qaralady.

QYZYLORDA

7 qyrkúıek kúni Astana qalasynyń mádenıet kúnderi aıasynda Qyzylorda oblysyna keletin delegatsııa birqatar sharalar ótkizedi. 

KÓKShETAÝ

Saǵat 9:30-da Sh.Ýálıhanov atyndaǵy KMÝ bas ǵımaratynda (1 qabat) ýnıversıtette jańadan ashylǵan medıtsına fakýltetiniń jumys barysy jáne ondaǵy jabdyqtalǵan jańa kabınetter men oqý-zertteý zerthanalary, kafedradaǵy oqytýshy-professorlar quramy jáne stýdentter, jańa stýdentter úıi jáne stýdentterdiń turmystyq-áleýmettik jaǵdaılarymen tanysý maqsatynda ekskýrsııa uıymdastyrylady.

Saǵat 11:00-de Aqmola oblysynyń Óńirlik kommýnıkatsııalar alańynda osy taqyryp boıynsha brıfıng ótetin bolady.

AQTÓBE

Saǵat 11:00-de Aqtóbedegi óńirlik kommýnıkatsııalar qyzmetinde «2018 jylǵy sýǵa shomylý maýsymyn qorytyndylaý» taqyrybynda baspasóz máslıhaty ótedi.

ATYRAÝ

Saǵat 10.00-de Atyraýda qoǵamda daý-damaıdy azaıtý jáne qoǵamda quqyqtyq mádenıetti arttyrý, medıatsııa ádisin engizýge baılanysty kóshpeli jıyn ótedi. Sharaǵa QHA Hatshylyǵynyń meńgerýshisi L. Prokopenko, QR Joǵarǵy soty tóraǵasynyń orynbasary, QR Ádilet mınıstriniń orynbasary qatysady.

Saǵat 11.00-de Nurmuhan Jantórın atyndaǵy oblystyq fılarmonııasynda «Otan otbasynan bastalady» atty baıqaý ótkiziledi.  

Saǵat 15.00-de Qazaqstan halqy tilderiniń oblystyq festıvali ótedi.

Saǵat 18.00-de Taekvondadan «Birinshi ashyq Azııa chempıonaty» jáne «Qazaqstan  Open» halyqaralyq týrnıri ótedi.