Qazaqstanda 7 aqpanda eldiń basym bóliginde tuman túsip, jel kúsheıedi
ASTANA. QazAqparat - «Qazgıdromet» RMK aqpannyń 7-ne arnalǵan aýa raıy boljamyn jarııa etti, dep habarlaıdy QazAqparat.
Atmosferalyq frontaldy aǵymdardyń ótýine baılanysty respýblıkanyń batysynda, soltústiginde, shyǵysynda jáne ońtústik-shyǵysynda qar jaýyp, boran soǵyp, jel kúsheıedi. Qazaqstannyń ózge aýmaqtarynda qar jaýmaıdy. Keı jerlerge tuman túsedi.
Almaty oblysynyń birqatar aımaqtarynda tuman túsip, Jalańashkól aımaǵynda jel sekýndyna 18-23 metr jyldamdyqpen soǵady.
Jambyl oblysynda tuman túsip, kóktaıǵaq bolyp, jeldiń kúshi sekýndyna 15-20 metrge jetedi.
Batys Qazaqstan oblysynyń keı jerlerinde tuman túsip, kóktaıǵaq bolady.
Atyraý, Mańǵystaý oblystarynyń birqatar aımaqtarynda jel 15-20 metr jyldamdyqpen uıtqıdy. Mańǵystaý oblysynyń keı jerlerine tuman túsedi.
Shyǵys Qazaqstan, Soltústik Qazaqstan oblystarynyń birqatar aımaqtarynda túman túsip, boran soǵyp, Shyǵys Qazaqstan oblysynda jeldiń jyldamdyǵy sekýndyna 15-20 metrge jetedi.
Aqmola, Qyzylorda, Qostanaı, Ońtústik Qazaqstan, Pavlodar jáne Qaraǵandy oblystarynyń keı jerlerine tuman túsedi.
Aqtóbe oblysynda túman túsip, jeldiń jyldamdyǵy sekýndyna 15-20 metrge jetedi.
